Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Berita Manah Ari Petara!

 PELAJAR 7

Nama Reti Perintah Petara?

Nama Reti Perintah Petara?

1. Nama reti Perintah Petara?

Nama kebuah Jesus nya Raja ti sempurna?MARK 1:40-42.

Perintah Petara nya merintah ari serega. Iya deka nganti semua perintah bukai, lalu peneka Petara nyadi ba serega enggau ba dunya. Berita pasal perintah Petara tu manah bendar. Perintah Petara deka ngemuaska mensia. Perintah tu deka nyerakup semua orang ba dunya.Bacha Daniel 2:44; Matthew 6:9, 10; 24:14.

Perintah tu bisi seiku raja. Jehovah nuduh Anak iya, Jesus Kristus, nyadi Raja ba Perintah Iya.Bacha Pemandang 11:15.

2. Nama kebuah Jesus nya Raja ti sempurna?

Anak Petara tu Raja ti sempurna laban iya penuh pengasih enggau teguh dalam pemendar. (John 1:14) Iya mega amat bekuasa nulung orang laban iya deka merintah dunya ari serega. Udah iya diangkat idup ari mati, iya lalu niki ka serega, duduk nganti ba sepiak kanan Jehovah. (Hebrew 10:12, 13) Udah nya baru Petara meri iya kuasa merintah.Bacha Daniel 7:13, 14.

3. Sapa deka merintah enggau Jesus?

Siti bala ti dikumbai “nembiak” Petara tauka orang ke dipilih deka merintah enggau Jesus ba serega. (Daniel 7: 27) Bala rasul Jesus ti taluk nyadi sida ti keterubah dipilih. Jehovah agi milih bala lelaki enggau indu ti taluk sampai diatu. Baka Jesus, sida mega deka diangkat idup baru ngena tubuh roh.Bacha John 14:1-3; 1 Korint 15:42-44.

 Berapa iku orang deka ka serega? Jesus ngumbai sida tu raban ke “mimit.” (Luke 12:32) Penyampau semua sida tu 144,000 iku. Sida deka merintah dunya enggau Jesus.Bacha Pemandang 14:1.

4. Nama utai deka nyadi lebuh Jesus terubah merintah?

Perintah Petara terubah merintah dalam taun 1914. * Utai keterubah dikereja Jesus maya nyadi Raja, iya muai Sitan enggau bala antu ka baruh ngagai dunya. Sitan lalu pedis ati, iya ngachau pengidup orang ba dunya. (Pemandang 12:7-10, 12) Kenyau hari nya, dunya makin charut. Perang, lapar pungkang, penyakit, enggau tanah berenyang nyadi “tanda” Perintah Petara deka megai dunya enda lama agi.Bacha Luke 21:7, 10, 11, 31.

5. Nama pemaik dibai Perintah Petara?

Ari pengawa nusui Berita Manah ba serata dunya, Perintah Petara diatu udah nyerakup orang ari genap bengkah bansa ba dunya. Bejuta-juta orang ti baruh ati diatu udah nyadi rayat Jesus. Perintah Petara deka nyaga sida maya iya ngemunaska orang jai. Nya alai orang ti ka bulih pemaik ari Perintah Petara patut belajar nyadi rayat Jesus ti taluk.Bacha Pemandang 7:9, 14, 16, 17.

Dalam kandang 1,000 taun, Perintah tu deka ngereja tuju asal Petara ngagai mensia. Serata dunya deka nyadi kebun ti manah. Udah nya baru Jesus nyerah Perintah tu ngagai Apai iya. (1 Korint 15:24-26) Ngagai sapa nuan deka nusui pasal Perintah Petara tu?Bacha Masmur 37:10, 11, 29.

Enti nuan ka penerang lebih agi, peda pelajar 8 enggau pelajar 9 bup Nama Utai ti Bendar Diajar Bup Kudus?

^ per. 6 Enti nuan ka nemu silik agi chara Bup Kudus nentuka taun 1914, peda lambar 215-218 ba bup Nama Utai ke Bendar Diajar Bup Kudus?

Belajar Lebih Agi

Nama Utai ti Bendar Diajar Bup Kudus?

Kati Kitai Benung Idup ba “Hari ti Penudi”?

Peratika baka ni pengawa enggau ulah orang ke semak kitai nunjukka kitai diatu benung idup ba “hari ti penudi” baka ke dipadah ba Bup Kudus.

SAPA ORANG TI NGEREJA PENEKA JEHOVAH KEMAYA HARI TU?

Baka Ni Saksi-Saksi Jehovah Bejalaika Pengawa Nginjil Sida?

Kami nitihka teladan ti diberi Jesus maya iya ba dunya tu. Nama sekeda ari chara nginjil ti diberi iya?