Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Berita Manah Ari Petara!

 PELAJAR 6

Nama Peluang Orang ti Udah Mati?

Nama Peluang Orang ti Udah Mati?

1. Nama berita manah pasal orang ti udah mati?

Lebuh Jesus datai ba Betani semak Jerusalem, pangan iya ti benama Lasarus udah mati empat hari. Lalu Jesus enggau Martha seduai Maria, iya nya menyadi indu Lasarus ngabas kubur iya. Enda lama udah nya, mayuh orang datai begempuru. Ulih nuan melaba pengaga ati Marta seduai Maria lebuh Jesus ngangkatka Lasarus idup baru?Bacha John 11:21-24, 38-44.

Martha sigi udah nemu berita manah pasal orang ti udah mati. Iya nemu Jehovah deka ngangkat orang ti udah mati idup baru ba dunya.Bacha Jop 14:14, 15.

2. Baka ni pendiau orang ti udah mati?

Petara bejaku ngagai Adam: “Nuan endang digaga ari amau, nya alai ngagai amau meh nuan pulai.”PEMUNGKAL 3:19.

Mensia digaga ari amau tanah. (Pemungkal 2:7; 3:19) Kitai nadai ngembuan roh ti enda ulih mati. Tubuh mensia semina isi enggau darah. Nya alai, orang mati nadai ngagai dunya roh. Udah kitai mati, untak kitai mati mega, lalu pikir kitai lenyau. Nya alai Lasarus nadai nyebut utai ti diasai iya maya pemati iya laban orang ti udah mati enda nemu utai.Bacha Masmur 146:4; Pengajar 9:5, 6, 10.

Bisi orang ti udah mati diperinsa Petara ngena api? Laban Bup Kudus madahka orang ti udah mati nadai nemu utai, tu nunjukka ajar pasal api neraka nya salah lalu bejaika nama Petara. Penemu pasal merinsa orang ngena api nya dibenchi Petara.Bacha Jeremiah 7:31.

 3. Ulih orang ti udah mati bejaku enggau kitai?

Orang ti udah mati enda ulih bejaku tauka ninga. (Masmur 115:17) Tang sekeda malikat tu jai, sida ngaga diri nyadi baka orang ti udah mati lalu bejaku ngagai orang ke idup. (2 Peter 2:4) Jehovah enggai meda pengawa betanyaka semengat orang ke udah mati.Bacha Ulang Adat 18:10, 11.

4. Sapa deka diangkat idup baru?

Bejuta-juta orang ti udah mati deka diangkat idup baru. Sekeda orang ti ngereja penyai ketegal enda ngelala Petara mega deka diangkatka ari mati.Bacha Masmur 37:29; Kereja Rasul 24:15.

Orang ti diangkat ari mati ulih belajar pemendar pasal Petara lalu ngayanka pengarap sida ba Jesus, iya nya ngasika jaku iya. (Pemandang 20:11-13) Sida ti udah diangkat idup baru lalu ngereja utai ti badas deka idup belama-lama ba dunya.Bacha John 5:28, 29.

5. Nama utai ulih dipelajar pasal Jehovah ari pengawa Iya ngangkatka orang ti udah mati?

Petara nganjung Anak iya mati ka mensia awakka orang ti udah mati bisi peluang idup baru. Nya alai, pengawa Jehovah ngangkat orang ari mati nunjukka pengerindu enggau pemanah Iya ngagai mensia. Sapa deka ditemu nuan maya Petara ngangkat orang ari mati?Bacha John 3:16; Rome 6:23.

Enti nuan ka penerang lebih agi, peda pelajar 6, pelajar 7, enggau pelajar 10 bup Nama Utai ti Bendar Diajar Bup Kudus?

Belajar Lebih Agi

Nama Utai ti Bendar Diajar Bup Kudus?

Kini Penunga Orang Mati?

Belajarka nama utai ti dipadah Bup Kudus pasal kini penunga orang mati sereta kebuah mensia mati.

Nama Utai ti Bendar Diajar Bup Kudus?

Peluang Ngagai Orang ti Dikesayau ke Udah Mati

Kala nuan lenyau orang ti dikesayau? Ulih nuan betemu enggau sida iya baru? Belajarka ajar Bup Kudus pasal pengangkat ari mati.

Nama Utai ti Bendar Diajar Bup Kudus?

Melikat—Baka ni Sida Bisi Kaul Enggau Pengidup Kitai?

Bup Kudus madah pasal bala melikat sereta bala antu. Kati sida amat bisi? Kati sida bisi kaul enggau pengidup nuan?