Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Berita Manah Ari Petara!

 PELAJAR 13

Nama Deka Nyadi Ngagai Pengarap?

Nama Deka Nyadi Ngagai Pengarap?

1. Amat semua pengarap manah?

Mayuh orang ti bebendar ati megai pengarap sida. Berita ti madahka Petara bisi meda lalu nyaga sida tu berita ti manah. Tang, mayuh penyai ti dikereja dalam nama pengarap. (2 Korint 4:3, 4; 11:13-15) Nitihka reput, bisi sekeda pengarap ti besangkut enggau pengawa kasar, pengawa bebunuh, perang enggau ngayahka anak mit. Semua tu ngenusahka ati orang ti bebendar ati arapka Petara.Bacha Matthew 24:3-5, 11, 12.

Pengarap ti bendar ngemuliaka Petara, tang pengarap ti pelesu ngemediska ati Iya. Pengarap ti pelesu ngajar penemu ti limpang ari Bup Kudus, baka ngajar utai ti enda betul pasal Petara enggau pasal orang ti udah mati. Tang, Jehovah deka orang nemu pemendar pasal Iya.Bacha Esekiel 18:4; 1 Timoti 2:3-5.

2. Nama deka nyadi ngagai pengarap?

Petara enda rindu meda pengarap ti ngumbai diri rinduka Iya tang kebendar sida bepangan enggau dunya Sitan. (James 4:4) Jaku Petara madahka semua pengarap ti pelesu digelar “Babilon ti Besai.” Babilon tu siti menua lama kelia, endur pengarap ti pelesu bepun udah Bah Besai maya Noah. Enda lama agi, Petara deka ngemunaska pengarap ti pelesu ke ngemulaka sereta ngenusahka mensia.Bacha Pemandang 17:1, 2, 5, 16, 17; 18:8.

Bisi agi mayuh berita manah. Jehovah agi ingatka orang ti lurus ati tang agi ba pengarap ti pelesu ba genap menua. Iya benung nyerakup sida tu ari ngajar sida pasal pemendar.Bacha Mikah 4:2, 5.

 3. Nama utai patut dikereja orang ti lurus ati?

Pengarap ti bendar nyerakup semua orang

Jehovah pedulika orang ti rinduka pemendar enggau pemanah. Iya majak ngasuh sida pansut ari megai pengarap ti pelesu. Orang ti rinduka Petara bisi penyanggup ngubah diri awakka ulih diterima Petara.Bacha Pemandang 18:4.

Dalam kurun keterubah, sida ti lurus ati ke ninga berita manah ari bala rasul nerima berita tu enggau ati ti gaga. Sida udah ketemuka chara idup ti baru ari Jehovah, chara idup ti penuh pengelantang laban sida nemu tuju idup sereta pengarap ti manah. Sida tu ulih nyadi chunto ka kitai laban lebuh sida nerima berita manah tu, sida nyadika sembah ngagai Jehovah pekara ti pemadu besai dalam idup sida.Bacha 1 Tesalonika 1:8, 9; 2:13.

Jehovah ngelaluka penatai sida ti udah keluar ari pengarap pelesu datai begulai enggau raban penyembah Iya. Enti nuan nerima jaku pengelalu ari Jehovah tu, nuan deka bepangan enggau Iya, bulih pangan ba raban pemyembah Iya enggau bulih pengidup ti meruan.Bacha Mark 10:29, 30; 2 Korint 6:17, 18.

4. Baka ni Petara mai pengaga ngagai serata dunya?

Pemutus ukum ti deka ninggang pengarap ti pelesu tu berita ti manah. Tu deka muai penusah ke dibai pengarap ti pelesu. Pengarap ti pelesu nadai agi ulih nesatka enggau nyarutka mensia. Semua orang deka seati dalam pengarap ti nyembah Petara ti seiku aja.Bacha Pemandang 18:20, 21; 21:3, 4.

Enti nuan ka penerang lebih agi, peda pelajar 15 enggau pelajar 16 Nama Utai ti Bendar Diajar Bup Kudus?