Timoti nya seiku lelaki ke agi biak. Iya gaga ati nulung orang. Iya ngagai mayuh endur nulung orang bukai. Nya alai, iya bisi pengidup ti ngerinduka ati. Deka nuan ninga pasal utai tu?—

Indai enggau ini Timoti ngajar iya pasal Jehovah

Timoti besai ba menua Listra. Maya iya agi mit, ini iya Lois enggau indai iya Eunis, ngajar iya pasal Jehovah. Maya Timoti udah besai, iya deka nulung orang bukai belajar pasal Jehovah.

Maya Timoti agi biak, Paul ngemai iya nginjil ngagai endur bukai. Timoti madah: ‘Ka!’ Iya besedia mupuk sereta nulung orang bukai.

 Timoti enggau Paul ngagai menua Masedonia ke dikumbai Tesalonika. Seduai iya bejalai kaki, lalu udah nya ngena perau. Nya pejalai ti jauh. Maya seduai iya datai din, seduai iya nulung mayuh orang belajar pasal Jehovah. Tang bisi sekeda orang nganu, lalu nguji deka ngemedis seduai iya. Nya alai, Paul enggau Timoti ninggalka endur nya, lalu nginjil ba endur bukai.

Timoti bisi pengidup ti ngagaka ati

Bebulan udah nya, Paul ngasuh Timoti pulai baru ke Tesalonika lalu ngabas pemansang sida ba pengarap. Tu begunaka pemerani! Tang, Timoti mupuk kin laban iya irau ati ngagai bala menyadi ke sama pengarap din. Iya pulai ngemai berita manah ngagai Paul. Sida ba Tesalonika mansang dalam pengarap sida!

Timoti kereja enggau Paul betaun. Bisi sekali Paul nulis madahka Timoti nya orang ti pemadu manah ke patut dianjung ngambika nulung bala menyadi ba endur bukai. Timoti sayauka Jehovah enggau orang bukai.

Kati nuan sayauka orang, lalu deka nulung sida belajar pasal Jehovah?— Enti deka, nuan tau bulih pengidup ti ngagaka ati, baka Timoti!

BACHA BUP KUDUS NUAN

  • 2 Timoti 1:5; 3:15

  • Kereja Rasul 16:1-5; 17:1-10

  • 1 Tesalonika 3:2-7

  • Pilipi 2:19-22