Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Ajar Meh Anak Nuan

 PELAJAR 14

Perintah ti Deka Merintah Serata Dunya tu

Perintah ti Deka Merintah Serata Dunya tu

Nemu nuan pasal Perintah ti deka dipelajarka kitai?— Ya, Perintah Petara. Perintah tu deka ngaga serata dunya tu nyadi paradais. Deka nuan belajar pasal Perintah tu?—

Tiap iti perintah bisi seiku raja. Lalu raja tu deka merintah orang ba menua iya. Nemu nuan sapa Raja ba Perintah Petara?Jesus Kristus. Iya diau ba serega. Enda lama agi, iya deka nyadi Raja merintah semua orang ba dunya tu! Kati kitai deka gaga ati enti Jesus nyadi Raja merintah serata dunya tu?—

Nama utai dianti nuan ba Paradais?

Kitai deka gaga ati! Ba Paradais, orang nadai agi belaya tauka beperang. Genap iku orang deka sayauka pangan diri. Nadai orang deka sakit tauka mati. Orang buta deka meda, orang bengal deka ninga, lalu orang ke enda ulih bejalai deka belanda enggau merejuk. Genap iku orang deka bisi mayuh pemakai. Lalu jelu deka begulai manah enggau pangan diri. Jelu mega begulai manah enggau kitai. Orang ke udah mati deka idup baru. Mayuh orang ke udah dipelajarka nuan ari bup tu, baka sida ­Rebekah, Rahap, David, enggau Elijah mega deka diidupka baru!  Deka nuan betemu enggau sida iya?—

Jehovah sayauka nuan, lalu deka nuan gaga ati. Enti nuan terus belajar pasal Jehovah lalu ningaka jaku Iya, nuan ulih idup belama iya ba dunya paradais! Deka nuan?—

BACHA BUP KUDUS NUAN

  • Isaiah 2:4; 11:6-9; 25:8; 33:24; 35:5, 6

  • John 5:28, 29; 17:3