Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Ajar Meh Anak Nuan

 PELAJAR 8

Josiah Bisi Kaban ti Manah

Josiah Bisi Kaban ti Manah

Tusah tauka enda ngereja utai ti betul?— Mayuh orang ngumbai tusah. Bup Kudus madah Josiah tusah ngereja utai ti betul. Maya nya, iya agi mit. Tang, iya bisi kaban ti manah nulung iya. Aram belajar pasal Josiah enggau kaban iya.

Nama apai Josiah nya Amon. Iya raja Judah. Amon jai sereta nyembah engkeramba. Maya apai Josiah mati, Josiah nyadi raja Judah. Tang, umur iya baru lapan taun! Kati iya jai baka apai iya?— Enda!

Sepaniah enda ngasuh orang nyembah engkeramba

Taja pan iya agi mit, Josiah ningaka jaku Jehovah. Nya alai, iya semina bekaban enggau orang ke sayauka Jehovah. Lalu sida nulung Josiah ngereja utai ti betul. Sapa kaban Josiah?

Seiku ari kaban iya Sepaniah. Sepaniah nya nabi. Iya madah ngagai orang Judah enti sida nyembah engkeramba, utai ti jai deka nyadi ba sida. Josiah ningaka Sepaniah, lalu nyembah Jehovah. Josiah enda nyembah engkeramba.

Seiku agi kaban Josiah nya Jeremiah. Iya enggau Josiah sama umur. Seduai iya diau enda jauh ari pangan diri, lalu besai begulai. Seduai iya bekaban rapat nyentukka maya Josiah mati, Jeremiah nulis siti lagu pasal pengerindu iya ngagai Josiah. Jeremiah enggau Josiah betulung pangan diri ngereja utai ti betul, lalu ningaka jaku Jehovah.

Josiah enggau Jeremiah betulung pangan diri ngereja utai ti betul

Nama ulih dipelajar nuan ari Josiah?— Taja pan Josiah agi mit, iya deka ngereja utai ti betul. Iya nemu iya patut bekaban enggau orang ke sayauka Jehovah. Nuan pan patut bekaban enggau orang ke sayauka Jehovah sereta orang ke ulih nulung nuan ngereja utai ti betul!

BACHA BUP KUDUS NUAN

  • 2 Bansa Israel 33:21-25; 34:1, 2; 35:25