Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Ajar Meh Anak Nuan

 PELAJAR 10

Jesus Seruran Ninga Jaku

Jesus Seruran Ninga Jaku

Kati nya senang ningaka jaku apai indai?— Kekadang tusah. Nemu nuan Jesus ningaka jaku Jehovah enggau apai indai iya?—Teladan iya ulih nulung nuan ningaka jaku apai indai, taja pan enda senang. Aram belajar pasal utai tu.

Sebedau Jesus datai ke dunya tu, iya enggau Apai iya, Jehovah, ba serega. Tang, Jesus mega bisi apai indai ba dunya tu. Nama seduai iya Josep enggau Maria. Baka ni seduai iya ulih nyadi apai indai Jesus?—

Jehovah ngaga kereja ajih! Iya ngirumka pengidup Jesus ba serega ke dalam kandung Maria ngambika Jesus ulih ada baka anak mit bukai. Semilan bulan udah nya, Jesus ada lalu idup ba dunya tu. Tu meh chara Maria seduai Josep ulih nyadi apai indai Jesus.

Maya umur Jesus 12 taun, iya ngereja utai ti ngayanka iya amat sayauka Apai iya, Jehovah. Tu nyadi maya Jesus enggau sida sebilik bejalai jauh ke Jerusalem nyembah Jehovah. Maya pulai ke rumah, Josep seduai Maria enda tetemuka Jesus. Nemu nuan dini endur Jesus?—

Nama kebuah Jesus ba Rumah Sembiang?

Josep seduai Maria beguai nikal ngagai Jerusalem, lalu ngiga Jesus. Seduai iya balat irau ati laban enda tetemuka iya. Tang tiga hari udah nya, seduai iya tetemuka Jesus dalam Rumah Sembiang! Nemu nuan nama kebuah Jesus ba Rumah Sembiang?— Laban dia iya ulih belajar pasal Apai iya, Jehovah. Iya sayauka Jehovah lalu deka belajar ngerinduka ati Apai iya. Taja pan Jesus udah besai, iya seruran ningaka jaku Jehovah. Jesus seruran ninga jaku Jehovah, taja pan enda senang dititihka. Kati Jesus mega ningaka jaku Josep seduai Maria?— Ya, Bup Kudus madah baka nya.

Nama ulih dipelajar nuan ari Jesus?— Nuan patut ningaka jaku apai indai, taja pan tusah. Deka nuan ngereja nya?—

BACHA BUP KUDUS NUAN

  • Luke 1:30-35; 2:45-52

  • Epesus 6:1

  • Hebrew 5:8