Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Ajar Meh Anak Nuan

 PELAJAR 6

David Enda Takut

David Enda Takut

Nama digaga nuan enti nuan takut?— Nuan engka minta tulung ari apai indai nuan. Tang, bisi agi orang bukai ke ulih nulung nuan. Iya kering agi ari semua orang. Nemu nuan sapa iya?— Ya, iya nya Petara Jehovah. Aram belajar pasal David. Iya nemu Jehovah selalu nulung iya, nya alai iya enda takut.

Ari mit, David diajar apai indai iya ngambika sayauka Jehovah. Tu nulung David berani taja pan bisi utai ti ngenakutka iya. Iya nemu Jehovah nya Pangan iya, lalu Jehovah deka nulung iya. Bisi sekali, maya David ngibun sekeda bedus iya, seiku singa ti besai datai lalu nabanka seiku ari bedus iya! Nemu nuan nama digaga David? Iya ngagai lalu munuh singa nya! Pia mega, maya beruang nyerang bedus iya, David mega munuh beruang nya! Sapa nulung David?— Ya, Jehovah.

Bisi mega sekali David nunjukka pemerani iya. Orang Israel beperang ngelaban orang Pilistin. Seiku ari soldadu Pilistin amat tinggi sereta besai! Nama iya Goliat. Goliat ngemelika bala soldadu Israel enggau Jehovah. Goliat nyakap bala soldadu Israel ngambika belaban enggau iya. Tang, semua orang Israel takut ngelaban iya. Maya David ninga utai tu, iya madahka Goliat: ‘Aku deka ngela­ban nuan! Jehovah deka nulung aku, lalu aku deka ngalahka nuan!’ Kati David berani?— Ya, amat berani. Deka nuan nemu nama nyadi udah nya?

David mai pangwang iya enggau lima igi batu ti segala, lalu nurun ngela­ban Goliat. Maya Goliat meda David, iya ngeleseka David. Tang, David madahka iya: ‘Nuan datai ngemai pedang, tang aku ngelaban nuan enggau nama Jehovah!’ Udah nya iya nyimpan batu dalam pangwang iya, lalu nikauka nya ngagai Goliat. Batu nya kena kening Goliat, lalu ngebuska kening iya. Goliat rebah tetingkap, lalu  mati! Orang Pilistin takut lalu ngerarika diri. Baka ni David ke agi biak ulih ngalahka Goliat?— Jehovah nulung iya, lalu Jehovah kering agi ari Goliat!

David enda takut laban iya nemu Jehovah deka nulung iya

Nama ulih dipelajar nuan ari cherita David?— Jehovah kering agi ari semua orang. Lalu Iya Pangan nuan. Nya alai, enti nuan berasai takut, kingatka, Jehovah ulih nulung nuan ngambika berani!

BACHA BUP KUDUS NUAN

  • Masmur 56:3, 4

  • 1 Samuel 17:20-54