Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Ajar Meh Anak Nuan

 PELAJAR 4

Iya Ngasuh Apai Iya Enggau Jehovah Gaga Ati

Iya Ngasuh Apai Iya Enggau Jehovah Gaga Ati

Nama semaya Jeptah ngagai Jehovah?

Anak Jeptah ngamatka semaya apai iya taja pan enda senang

Bisi nuan meda anak mit ba gambar tu?— Iya anak Jeptah. Bup Kudus nadai madahka nama iya. Tang, kitai nemu iya ngasuh apai iya enggau Jehovah gaga ati. Aram kitai belajar pasal iya enggau apai iya, Jeptah.

Jeptah nya orang ti manah. Iya selalu ngajar anak iya pasal Jehovah. Iya mega kering sereta tuai ti manah. Nya alai, orang Israel ngasuh iya nguluka sida beperang ngelaban munsuh.

Jeptah besampi ngagai Petara ngambika ulih menang. Jeptah besemaya, enti iya menang beperang, iya deka nyerahka orang keterubah ti pansut ngambat ari rumah iya ngagai Jehovah. Orang nya deka diau sereta  bekereja ba Langkau Kain Petara seumur idup. Langkau Kain nya endur orang nyembah Petara. Jeptah menang ba perang! Nemu nuan sapa orang keterubah ti pansut ari rumah maya iya pulai?—

Amat, anak Jeptah! Semina iya seiku aja anak Jeptah. Tang diatu, Jeptah deka nyerahka iya ngagai Jehovah. Jeptah balat tusah ati. Tang kingatka, iya udah besemaya. Anak iya nyaut: ‘Apai, nuan udah besemaya enggau Jehovah, nuan patut ngamatka nya.’

Ninting taun,bala kaban anak Jeptah nemuai ngagai iya

Anak Jeptah pan tusah ati. Ba Langkau Kain, iya enda ulih kawin enggau bisi anak. Tang, iya deka ngamatka semaya apai iya, lalu ngasuh Jehovah gaga ati. Utai tu beguna agi ari kawin tauka bisi anak. Nya alai, iya ninggalka rumah lalu diau ba Langkau Kain seumur idup iya.

Kati iya amat ngasuh apai iya enggau Jehovah gaga ati?— Ya! Enti nuan ninga jaku lalu sayauka Jehovah, nuan deka baka anak Jeptah. Nuan mega ulih ngasuh apai indai nuan enggau Jehovah gaga ati.

BACHA BUP KUDUS NUAN

  • Ulang Adat 6:4-6

  • Pengulu 11:30-40

  • 1 Korint 7:32, 34