Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Nama Utai ti Bendar Diajar Bup Kudus?

 PENERANG

Patut Kitai Ngintu Hari Besai?

Patut Kitai Ngintu Hari Besai?

BUP KUDUS ukai pun penatai hari besai ti diintu orang mayuh ba dunya kemaya hari tu. Ari ni pun penatai semua pengerami nya? Enti nuan ulih mansik ba librari, nuan deka tetemuka penerang pasal hari besai ti selalu disambut orang ba menua nuan. Peratika sekeda chunto.

Ester. The Encyclopædia Britannica madah, “Ba Sempekat Baru nadai kala madah pasal pengerami Ester diintu.” Ari ni pun penatai Ester? Bepun ari orang ke enda arapka  Petara. Hari besai tu dikumbai kena ngingatka pengangkat Jesus ari mati, tang adat bekaul enggau Ester ukai datai ari pengarap Kristian.

Pengerami Taun Baru. Haribulan enggau chara nyambut pengerami Taun Baru enda sebaka ba siti-siti menua. The World Book Encyclopedia madah: “Kena taun 46 M., pemerintah Rome Julius Caesar netapka 1 haribulan 1 maya ngintu Hari Taun Baru. Orang Rome netapka hari nya kena ngingatka Janus, petara pintu kuta, pintu enggau pemun. Bulan Januari (Bulan 1) digaga nitihka nama Janus, petara ke bisi dua iti mua—siti malik ke luan, lalu siti da agi malik ke belakang.” Nyadi, pengerami Taun Baru bepun ari adat orang ke enda arapka Petara. Ba menua timur, pengerami Taun Baru diintu kena muai sial. Nyentuk ke diatu, pengerami tu diintu nitihka pengarap lama ngambika ngemai tuah enggau pengeraja.

Halloween. Pengerami tu nyau deka sama baka Pengerami Antu Lapar enggau Gawai Antu. Pasal pengerami Halloween, The Encyclopedia Americana madah: “Adat ti bekaul enggau Halloween datai ari adat orang Druid [imam orang Celt kelia menya] maya jeman sebedau pengarap Kristian datai. Orang Celt bisi pengerami kena ngintu dua iku petara—petara mata hari enggau petara orang mati . . . ti diintu kena 1 haribulan 11, pun Taun Baru orang Celt. Nyau kelama, pengerami tu nyadi siti ari pengawa ti diintu orang Kristian.”

Hari Besai ti bukai. Kitai enda ulih berandau pasal semua Hari Besai ti diintu ba dunya tu. Taja pia, Hari Besai ti ngemuliaka mensia tauka gerempung mensia enda diterima Jehovah. (Jeremiah 17:5-7; Kereja Rasul 10:25, 26) Kingatka, pun penatai siti-siti pengerami deka nentuka iya diterima Petara tauka enda. (Isaiah 52:11; Pemandang 18:4) Jaku ajar Bup Kudus ti dipadah ba Pelajar 16 bup tu, deka nulung nuan nemu nama runding Petara pasal ngintu Hari Besai.