Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Nama Utai ti Bendar Diajar Bup Kudus?

 PENERANG

Kati Jesus Amat Ada Bulan 12?

Kati Jesus Amat Ada Bulan 12?

BUP KUDUS nadai madah kemaya Jesus ada. Taja pia, iya meri kebuah ti ulih dikearap Jesus enda ada ba bulan 12.

Peratika gaya hari ba Betlehem endur Jesus ada. Ba bulan Kislew kelinda orang Judah (bulan 11 tauka 12), maya nya musin chelap enggau musin ujan. Udah bulan Kislew, bulan Tebet (bulan 12 tauka 1). Maya nya, musin ti pemadu chelap, kekadang seleju bisi nurun ba endur ti tinggi. Aram kitai meda, nama dipadah Bup Kudus pasal gaya hari ba Betlehem.

Penulis Bup Kudus Esra madah, maya bulan Kislew hari chelap enggau ujan. Esra madah ba hari ke “dua puluh hari bulan ti kesemilan [Kislew]” orang mayuh begempuru ba Jerusalem, lalu sida “digak-digak magang laban chelap.” Pasal gaya hari maya nya, orang mayuh ke begempuru madah: “Ujan tu kelalu bangat. Kami enda ulih bediri ditu.” (Esra 10:9, 13; Jeremiah 36:22) Nya kebuah, bala pengibun bedus ke diau ba genturung menua  Betlehem nentuka sida enggau bala jelu sida enda ba luar maya malam hari bulan 12!

Tang, penulis Bup Kudus Luke madah maya nya bala pengibun bedus “diau di padang, benung ngibun raban bedus sida lebuh malam hari” semak Betlehem. (Luke 2:8-12) Peratika ayat tu nerangka bala pengibun bedus diau di padang. Sida benung ngibun raban bedus sida maya malam hari. Kati penerang nya nitihka gaya hari ba menua Betlehem maya bulan 12 ke benung musin chelap sereta ujan? Enda. Penerang ti dipadah maya Jesus ada enda nunjukka iya ada bulan 12. *

Jaku Petara madah enggau terang kemaya Jesus mati, tang iya enda mayuh nerangka pasal maya Jesus ada. Tu ngingatka kitai pasal jaku Raja Solomon: “Tampak nama nya manah agi ari minyak wangi ti berega, lalu hari nuan mati nya manah agi ari hari nuan ada.” (Pengajar 7:1) Nya kebuah, Bup Kudus madah mayuh pasal pengawa nginjil enggau ngajar ti digaga Jesus sereta pasal pemati iya. Tang, semina mimit aja pasal maya iya ada dipadah ba Bup Kudus.

Maya Jesus ada, bala pengibun bedus diau di padang, benung ngibun raban bedus sida lebuh malam hari

^ per. 1 Ke penerang mayuh agi, peda Reasoning From the Scriptures (English) ba lambar 176-179, ti dikeluarka Saksi-Saksi Jehovah.

Belajar Lebih Agi

UTAI KE SUAH DITANYA

Nama Kebuah Saksi-Saksi Jehovah Enda Ngintu Krismas?

Mayuh orang ngintu Krismas taja pan nemu asal penatai nya. Peratika nama kebuah Saksi-Saksi Jehovah enda baka nya.