Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Nama Utai ti Bendar Diajar Bup Kudus?

 PENERANG

Jesus Kristus—Messiah ti Disemaya

Jesus Kristus—Messiah ti Disemaya

NGAMBIKA kitai ngelala Messiah, Petara Jehovah ngasuh bala nabi nulis enggau silik pasal pengada, pengawa nginjil, enggau pemati Pengelepas ti disemaya tu. Semua utai ti dipadah ba Bup Kudus udah nyadi ba Jesus Kristus. Semua tu nyadi munyi ti dipadah. Chunto, aram kitai meda sekeda utai ti dipadah pasal pengada Messiah enggau maya iya agi mit.

Nabi Isaiah madahka Messiah deka datai ari peturun Raja David. (Isaiah 9:7) Jesus endang datai ari peturun David.—Matthew 1:1, 6-17.

Mikah, seiku agi ari nabi Petara, madahka anak tu deka nyadi pemerintah, lalu iya deka ada ba “Betlehem  Epratah.” (Mikah 5:2) Maya Jesus ada, bisi dua iti nengeri ti benama Betlehem ba menua Israel. Siti nya semak Nasaret muak ke utara nengeri Israel, lalu siti agi semak enggau Jerusalem di Judah. Nama lama Betlehem ke semak enggau Jerusalem dikumbai Epratah. Jesus ada ba nengeri nya, baka ke udah dipadah!—Matthew 2:1.

Siti agi utai ti dipadah ba Bup Kudus pasal Anak Petara, iya deka dikangauka “pansut ari menua Ejip.” Maya agi mit, Jesus dibai ngagai Ejip. Iya dibai pulai ari Ejip pengudah Herod mati, tu dikeamatka.—Hosia 11:1; Matthew 2:15.

Ba  charta lambar 200, ayat Bup Kudus ba baruh tajuk “Dipadah” nerangka enggau silik pasal Messiah. Bandingka ayat nya enggau ayat ba baruh tajuk “Dikeamatka.” Tu ulih ngeringka agi pengarap nuan pasal pemendar ari Jaku Petara.

Maya nuan beratika ayat Bup Kudus tu, kingatka semua ayat nya ditulis beratus taun sebedau Jesus ada. Jesus bejaku: ‘Semua utai ti udah ditulis pasal aku dalam Adat Moses, dalam bup sida nabi, enggau dalam Masmur, enda tau enda dikamatka.’ (Luke 24:44) Baka ke udah ditunjukka ba Bup Kudus nuan empu, utai ti dipadahka nya tadi udah dikeamatka!