Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  September 2016

 PENGIDUP KRISTIAN

Lebuh Betemu enggau Nembiak Maya Nginjil

Lebuh Betemu enggau Nembiak Maya Nginjil

Lebuh kitai betemu enggau nembiak mit maya nginjil, kitai patut minta bejaku enggau apai indai iya. Tu ngayanka kitai bebasaka apai indai iya. (J-lam. 6:20) Enti nembiak nya ngasuh kitai tama ke rumah iya, kitai patut nulak. Enti apai indai iya nadai ba rumah, kitai patut datai baru ba maya ti bukai.

Lebuh kitai betemu enggau nembiak ke beumur 15-19 taun, kitai patut mega minta bejaku enggau apai indai iya. Enti sida nadai ba rumah, kitai ulih nanya enti apai indai ngelakka iya milih kediri empu utai ke ulih dibacha. Enti sida nadai nagang iya, kitai ulih meri iya litaricha lalu ngasuh iya ngelawa jw.org.

Lebuh datai ngabas ngagai nembiak ke bisi ngayanka minat, kitai patut minta betemu enggau apai indai iya. Tu meri kitai peluang madahka tuju penatai sereta nunjukka jaku lalau ti beguna ari Bup Kudus pasal ruang bilik. (Mas. 119:86, 138) Chara kitai meri basa sereta berundingka asai ati apai indai nembiak nya deka nulung sida meda pemadas pengawa kitai lalu meri peluang bukai bekunsika berita manah enggau ruang bilik nya.—1 Pet. 2:12.