Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  September 2016

 PENGIDUP KRISTIAN

Seliahka Ari Ngereja Pengawa tu Lebuh Ngajar Bup Kudus

Seliahka Ari Ngereja Pengawa tu Lebuh Ngajar Bup Kudus
PEDA
Teks
Gambar

Bejaku Kelalu Mayuh: Nuan enda ibuh nerangka semua utai. Jesus ngena tanya kena nulung orang berunding sereta meretika utai ke diajar iya. (Mat. 17:24-27) Tanya ulih ngasuh utai ke dipelajar nya ngerinduka ati sereta nulung nuan nemu utai ke ditemu sereta dipechayaka pelajar nuan. (be lamb. 253 gent. 3-4) Lebuh nanya tanya, sabar lalu nganti saut ari pelajar. Enti iya meri saut ti salah, anang terus meri iya saut ti betul, tang tulung iya ngiga saut nya ngena tanya ke bukai. (be lamb. 238 gent. 1-2) Bejaku enggau umbas iya ngambika pelajar ulih meretika penerang ti baru.—be lamb. 230 gent. 4.

Meri Kelalu Mayuh Penerang: Seliahka ari madahka semua utai ke ditemu nuan. (Jhn. 16:12) Beberatka batang pekara ba genteran nya. (be lamb. 226 gent. 4-5) Penerang, taja pan narit ati, iya ulih ngasuh batang pekara nya tusah ditemu. (be lamb. 235 gent. 3) Enti pelajar nya udah meretika batang pekara ba genteran, terus meh ngagai genteran ke nangkanka nya.

Semina Deka Meri Penemu: Tuju kitai deka negu ati pelajar, ukai semina meri penemu aja. (Luk. 24:32) Kena meh kuasa ari Bup Kudus enggau manah lebuh nuan berandauka ayat Bup Kudus ke bekaul enggau utai ti dipelajar. (2 Kor. 10:4; Heb. 4:12; be lamb. 144 gent. 1-3) Kena sempama ti mudah. (be lamb. 245 gent. 2-4) Perundingka penanggul ke ditapi pelajar sereta utai ke dipechayaka iya, lalu ngubah utai ke dipelajar nitihka gaya pelajar nya. Kena tanya baka tu: “Baka ni asai ati nuan pasal utai ke dipelajar nuan?” “Baka ni pelajar tu ngajar kitai pasal Jehovah?” “Nama penguntung ke dipeda nuan enti nitihka jaku lalau nya?”—be lamb. 238 gent. 3-5; lamb. 259 gent. 1.