Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

Kena Meh Pengidup Nuan Muji Jehovah!

Kena Meh Pengidup Nuan Muji Jehovah!

Pengidup nya pemeri ti berega. Chara kitai ngena pemeri tu ninting hari mandangka pemesai terima kasih kitai ke pemeri nya. Laban kitai Saksi-Saksi Jehovah, kitai keran deka ngena pengelandik sereta penau kitai bebasa sereta ngemuliaka Jehovah, Penempa kitai. (Mas. 36:9; Pem. 4:11) Taja pia, pengirau pasal pengidup ninting hari ba dunya ti jai tu ulih ngasuh kitai enda ngemeratka pengawa beroh. (Mrk. 4:18, 19) Tiap iku kitai patut nanya diri empu: ‘Kati aku nyembah Jehovah enggau pengabis ati? (Hos. 14:2) Kati pengawa sekular aku ngemendar aku nyembah Jehovah? Nama juluk ati rohani aku? Baka ni aku ulih ngemansangka pengawa nginjil?’ Enti nuan ngasaika nuan patut ngaga ubah, besampi minta tulung ari Jehovah lalu ngaga ubah ti patut. Endang amat, muji Jehovah ninting hari meri pengidup ti puas sereta ngelantangka ati!—Mas. 61:8.

Ngagai sapa nuan meri pengelandik nuan?

PEDA VIDEO KENA PENGELANDIK NUAN KE JEHOVAH, LALU SAUT TANYA TU:

  • Nama kebuah ngena pengelandik nuan ba dunya Sitan ukai pemutus ti manah? (1 Jhn. 2:17)

  • Nama berekat deka diasai sida ke meri enggau pengabis ati ngagai Jehovah?

  • Ni bagi pengawa ke Jehovah ke deka dikereja nuan ngena pengelandik sereta penau nuan?