Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

Chara Nyadi Pemelajar Bup Kudus ti Bagas

Chara Nyadi Pemelajar Bup Kudus ti Bagas

Kati nuan deka tetap ati baka Daniel lebuh napi penguji? Daniel enggau bagas belajarka Bup Kudus, nyengkaum utai ke ditulis bala nabi ti tusah deka dimeretika. (Dan. 9:2) Pengawa belajarka Bup Kudus enggau bagas ulih nulung nuan mengkang tetap ati. Baka ni? Iya ulih nulung nuan arapka agi semaya Jehovah deka dikeamatka. (Jos. 23:14) Iya mega ulih nulung nuan ngemansangka pengerindu ke Petara lalu meransang nuan ngereja utai ti betul. (Mas. 97:10) Tang baka ni nuan ulih berengkah? Peratika sekeda chara tu.

  • Nama patut dipelajar aku? Jadual belajar ti manah nyengkaum nyediaka utai kena gempuru. Begian macha Bup Kudus ninting minggu deka meri penguntung enti nuan ngena awak mansik utai ke enda ditemu nuan. Kelimpah ari nya, sekeda menyadi Kristian milih deka belajar mayuh agi pasal utai ti ditulis bala nabi, buah roh kudus Petara, pejalai injil rasul Paul, tauka utai ke ditempa Jehovah. Enti nuan bisi tanya Bup Kudus, tulis lalu kena nya ba pengawa belajarka Bup Kudus ke deka datai.

  • Dini aku ulih ngiga penerang? Peda video Perengka Mansik Kena Ngiga Reta Rohani ngambika nemu sekeda chara. Kena belatih, giga pansik pasal kuasa dunya ti digambarka jelu ba Daniel bab 7.

  • Berapa lama patut dikena aku belajar? Belajar enggau tetap nulung kitai tegap ba pengarap. Nuan ulih berengkah belajar ngena awak ti pandak, lalu udah nya ulih belubah ngena awak ti mayuh agi. Belajarka Bup Kudus baka ngiga pengaya ti dilalaika; mayuh agi pengaya ti ditemu nuan, mayuh agi deka digiga nuan! (J-lam. 2:3-6) Pengeran nuan ke deka belajarka Jaku Petara deka nambah, lalu pengawa belajarka Bup Kudus enggau tetap deka nyadi pekara ti biasa dikereja nuan.—1 Pet. 2:2.

NAMA DIGAMBARKA JELU BA DANIEL BAB 7?

TANYA KE BUKAI:

Baka ni Daniel 7:8, 24 dikeamatka?

UTAI TI DIPELAJAR PENGUDAH TU:

Nama digambarka jelu ba Pemandang bab 13?