Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  Ogos 2016

 PENGIDUP KRISTIAN

Ngemanahka Agi Pengelandik Ba Pengawa Nginjil—Nulung Pelajar Bup Kudus Nyerahka Diri Sereta Dibaptisa

Ngemanahka Agi Pengelandik Ba Pengawa Nginjil—Nulung Pelajar Bup Kudus Nyerahka Diri Sereta Dibaptisa

NAMA KEBUAH BEGUNA: Pelajar Bup Kudus patut nyerahka diri ngagai Jehovah sereta dibaptisa ngambika diterima Jehovah. (1 Pet. 3:21) Enti sida idup nitihka semaya ke digaga maya nyerahka diri ngagai Jehovah, sida deka bulih pengelikun rohani. (Mas. 91:1, 2) Orang Kristian nyerahka diri semina ngagai Jehovah, ukai ngagai mensia, pengawa, tauka siti gerempung. Nyadi, pelajar Bup Kudus patut ngemansangka pengerindu sereta asai terima kasih ngagai Petara.—Rom. 14:7, 8

CHARA:

  • Lebuh belajarka Bup Kudus, kerandauka baka ni utai ti dipelajar madahka pasal Jehovah. Kemeratka pengawa macha Bup Kudus ninting hari sereta “seruran” besampi ngagai Jehovah.—1 Tes. 5:17; Jas. 4:8

  • Peransang pelajar Bup Kudus nyadika pengawa nyerahka diri enggau dibaptisa juluk ati rohani iya. Pia mega, tulung iya ngembuan juluk ati ti ulih digaga iya dulu, baka meri saut ba gempuru tauka nginjil ngagai orang ke berimbai rumah sereta orang ke sama gawa. Kingatka, Jehovah enda ngansak orang nyembah Iya. Pengawa nyerahka diri ngagai Jehovah pemutus ba diri empu.—U-dat. 30:19, 20

  • Peransang pelajar Bup Kudus nuan ngaga ubah ba pengidup iya, ngambika iya ulih ngenyenangka ati Jehovah lalu dibaptisa. (J-lam. 27:11) Ketegal sekeda pendiau tusah deka dibuai, iya engka begunaka bantu kena muai jalai pengidup ti lama lalu nyadi mensia ti baru. (Eps. 4:22-24) Bekunsi enggau iya artikel ari Watchtower “The Bible Changes Lives”

  • Padahka ngagai iya pengelantang ti diasaika nuan lebuh nyembah Jehovah.—Isa. 48:17, 18