Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

“. . . Utai ti Udah Ditampilka Petara”

“. . . Utai ti Udah Ditampilka Petara”

Nitihka Adat Moses, seiku lelaki ke deka sarak enggau bini iya patut nyediaka surat sarak ti sah. Atur tu nagang iya ari beguai ngaga pemutus deka sarak. Taja pia, ba jeman Jesus, bala tuai pengarap ngaga pengawa sarak mudah dikereja. Laki ulih nyarak bini iya ba macham tegal. (nota pelajar nwtsty ke Mrk. 10:4, 11) Jesus madahka atur tikah bepun ari Jehovah. (Mrk. 10:2-12) Laki enggau bini deka nyadi “siku.” Ba bup Matthew, pengawa sarak semina ulih dikereja lebuh kaling pengidup ngereja pengawa “butang.”—Mat. 19:9.

Kemayaharitu, mayuh orang ngembuan runding baka orang Parisi, tang enda baka runding Jesus. Lebuh sida napi penanggul ba ruang bilik, sida enggau jampat deka sarak. Tang laki bini orang Kristian enggau naka ulih deka ngamatka semaya ke digaga seduai iya maya jadi. Seduai iya bebendar mutarka penanggul enggau nitihka jaku lalau ari Bup Kudus. Pengudah meda video Pengerindu enggau Basa Nyerakupka Ruang Bilik, saut tanya ba baruh tu:

  • Baka ni nuan ulih ngena Jaku-Dalam 15:1 ba tikah nuan? Nama kebuah tu beguna?

  • Baka ni nuan ulih nyeliahka penanggul enti nitihka Jaku-Dalam 19:11?

  • Enti tikah nuan bisi penanggul, nama tanya ke patut diperundingka nuan ari ke berunding, ‘Kati aku patut sarak?’

  • Baka ni Matthew 7:12 nulung nuan nyadi laki tauka bini ke manah agi?