Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 RETA ARI BUP KUDUS | MARK 9-10

Genera ti Negapka Pengarap

Genera ti Negapka Pengarap

9:1-7

Gambarka asai ati Jesus lebuh Apai iya ari serega madahka Diri sayauka iya ba genera Jesus berubah gamal. Utai ke dipadah Jehovah tentu ngeringka Jesus laban enda lama da agi iya deka diperinsa. Genera tu mega amat ngalitka ati Peter, James enggau John. Genera tu nulung sida pechaya Jesus nya endang Messiah lalu pemutus sida ke nitihka Jesus nya enda salah. 32 taun pengudah nya, Peter agi ingat pasal peneleba tu lalu baka ni genera tu negapka pengarap iya ba “jaku sida nabi.”—2 Pet. 1:16-19.

Taja pan kitai nadai meda genera ti ngalitka ati nya, kitai ulih meda genera tu dikeamatka. Jesus benung merintah nyadi Raja ti bekuasa. Enda lama da agi, iya “deka menang,” lalu mai dunya baru.—Pem. 6:2.

Baka ni pengarap nuan ditegapka lebuh meda utai ti ditulis ba Bup Kudus dikeamatka?