Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  Mac 2016

 PENGIDUP KRISTIAN

Nyambut Orang ke Datai

Nyambut Orang ke Datai

Kena 23 Mac, kira-kira 12 juta iku orang tauka lebih deka datai begulai enggau kitai Ngingatka Hari Pemati Jesus. Sida deka bulih penguntung seraya pencheramah berandauka pasal tebus ke disediaka Jehovah sereta madahka sekeda ari berekat ke deka diterima mensia! (Isa. 11:6-9; 35:5, 6; 65:21-23; Jhn. 3:16) Taja pia, ukai semina pencheramah aja ke ulih nyadi saksi ba pengawa ti beguna bendar tu. Semua kitai ulih nyadi saksi enti kitai nyambut orang ke datai. (Rom. 15:7) Tu sekeda ari chara iya.

  • Ari ke terus ngiga penuduk diri empu, lalu nganti program ke berengkah, manah agi enti kitai nyambut orang ke datai sereta nyambut bala menyadi ke enda aktif enggau tuchum sereta jaku tabi ti manah

  • Kitai ukai semina beratika penatai orang ke dikelala kitai aja, tang kitai mega beratika orang ke engka datai ketegal nerima surat ke disadung maya kimpin. Bai orang ke baru datai duduk enggau nuan. Bekunsika Bup Kudus sereta bup lagu enggau sida

  • Pengudah cheramah, besedia meh nyaut sekeda tanya ari sida. Enti enda chukup awak ketegal gempuru nuan patut mupuk ngambika gempuru bukai ulih ngena endur nya, gaga meh atur ngambika ulih ngelawa orang nya dalam kandang beberapa hari. Enti nuan nadai penerang kena ngiga iya, nuan ulih nyebut: “Aku deka ningaka penemu nuan pasal program tu. Baka ni aku ulih ngiga nuan baru?”