Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

Naka Ni Penegap Pengarap Nuan ba Semaya Jehovah?

Naka Ni Penegap Pengarap Nuan ba Semaya Jehovah?

Josua enggau Solomon madahka Jehovah udah ngamatka semua semaya ti udah digaga Iya. (Jos. 23:14; 1 Raj. 8:56) Penerang ari dua iku saksi ke ulih dipechaya tu nyadi kebuah kitai ulih negapka pengarap.—2 Kor. 13:1; Tit. 1:2.

Baka ni Jehovah ngamatka semaya Iya ba jeman Josua? Enggau diri sebilik nuan, peda drama video Tiada Satu Janji pun yang Dimungkiri-ML. Udah nya, berundingka tanya tu: (1) Baka ni nuan ulih nunda ulah Rahap ti arapka Petara? (Heb. 11:31; Jas. 2:24-26) (2) Baka ni chunto Achan nunjukka ulah ke enda ngasi enggau sengaja ngujungka penusah? (3) Taja pan orang Gibeon soldadu ti berani, nama kebuah sida nipu Josua lalu bebaik enggau Israel? (4) Baka ni jaku Jehovah dikeamatka lebuh lima iku raja orang Amor ngemba Israel? (Jos. 10:5-14) (5) Baka ni Jehovah udah nulung nuan lebuh nuan ngiga dulu Perintah Petara enggau pengelurus Iya ba pengidup nuan?—Mat. 6:33.

Seraya kitai belematika semua utai ke udah digaga Jehovah, benung digaga sereta deka digaga Iya, pengarap kitai ngagai semaya Iya deka majak tegap.—Rom. 8:31, 32.

Kati nuan bisi pengarap baka Josua?