Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  Jun 2017

 PENGIDUP KRISTIAN

Nyukung Standard Moral Jehovah

Nyukung Standard Moral Jehovah

Petara Jehovah nentuka standard moral ke mensia. Ngambika chunto, Iya nentuka pengawa jadi melaki-bini entara seiku lelaki enggau seiku indu nya patut meruan. (Mat. 19:4-6, 9) Iya begedika semua ulah seks ti kamah. (1 Kor. 6:9, 10) Iya mega nyediaka prinsip Bup Kudus pasal chara begari enggau ngintu diri ke ngasuh nembiak Iya bebida ari orang bukai.—U-dat. 22:5; 1 Tim. 2:9, 10.

Ba dunya kemaya hari tu, mayuh orang nulak standard Jehovah. (Rom. 1:18-32) Sida ngemendarka runding orang mayuh nentuka chara sida begari enggau ngintu diri sereta ulah sida. Mayuh orang mandangka ulah ti kamah lalu ngemaruhka orang ke enda nitihka standard sida.—1 Pet. 4:3, 4.

Kitai, Saksi-Saksi Jehovah patut berani nyukung standard moral Petara. (Rom. 12:9) Baka ni? Kitai patut madahka utai ti dikemendarka Iya enggau bejimat. Tang kitai mega patut netapka standard ti tinggi ba pengidup kitai empu. Ngambika chunto, lebuh milih gaya gari enggau ngintu diri, kitai engka nanya diri empu: ‘Kati utai ke dipilih aku mandangka standard Jehovah tauka dunya tu? Kati gaya gari enggau ngintu diri aku nunjukka aku orang Kristian ti rinduka Petara?’ Tauka lebuh milih siti program tauka cherita ke dipeda, kitai engka nanya diri empu: ‘Kati Jehovah ngemendarka program tu? Standard moral sapa ke dipandang ari program tu? Kati pemutus aku ba pemerindang ngelemika standard moral aku? (Mas. 101:3) Kati tu ulih ngenusahka ati diri sebilik aku tauka orang bukai?’—1 Kor. 10:31-33.

Nama kebuah amat beguna kitai nyukung standard moral Jehovah? Jesus Kristus deka ngerusak semua bansa sereta semua penyai enda lama da agi. (Esk. 9:4-7) Semina orang ke ngereja peneka Jehovah deka selamat. (1 Jhn. 2:15-17) Aram meh kitai nyukung standard moral Jehovah ngambika orang ke meda ulah manah kitai ngemulia Petara.—1 Pet. 2:11, 12.

Baka ni chara aku begari enggau ngintu diri mandangka standard moral aku?

PEDA VIDEO NYADI PANGAN JEHOVAH—SEIKU LELAKI, SEIKU INDU, LALU BERUNDINGKA TANYA TU:

  • Nama kebuah idup nitihka standard Jehovah nya manah?

  • Nama kebuah apai indai patut berengkah ngajar standard moral Jehovah lebuh anak sida agi mit?

  • Baka ni orang tuai enggau ke biak nulung orang bukai bulih penguntung ari pemanah Petara?