Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  Jun 2017

 PENGIDUP KRISTIAN

Ngulihka Pengaga Ati Lebuh Nginjilka Berita Manah

Ngulihka Pengaga Ati Lebuh Nginjilka Berita Manah

Kala nuan berasai tusah deka nginjil? Mayuh ari kitai deka nyaut ya ngagai tanya tu. Nama kebuah? Kitai engka betemu enggau orang ti enda beminat, kasar tauka kitai takut bejaku enggau orang ti enda dikelala. Endang amat, semua tu ulih ngurangka pengaga ati kitai. Taja pia, kitai nyembah “Petara ti gaga ati” ke deka kitai nyembah Iya enggau ati ti gaga. (1 Tim. 1:11, NW; Mas. 100:2) Nama tiga iti kebuah ti manah ngambika kitai rindu nginjil?

Keterubah, kitai madahka pesan ti meri pengadang. Taja pan pengadang nya majak kurang ba mayuh orang kemaya hari tu, kitai ulih meri sida “berita ti manah.” (Isa. 52:7) Tang berita manah pasal Perintah Petara mega meri kitai pengaga ati. Sebedau nurun nginjil, belematika berekat ke deka dibai Perintah Petara ngagai dunya tu.

Kedua, berita manah ke dipadah kitai mai penguntung ngagai semua orang. Sida belajar ninggalka pengawa ti tau ngemedis lalu bisi peluang bulih pengidup belama iya. (Isa. 48:17, 18; Rom. 1:16) Kitai ulih ngambarka diri ba pengawa ngiga enggau nyelamatka orang. Taja pan sekeda orang enggai diselamatka, kitai deka terus ngiga orang ke deka diselamatka.—Mat. 10:11-14.

Kebuah ketiga sereta ti pemadu beguna, pengawa nginjil kitai ngemuliaka Jehovah. Ba Iya, pengawa nginjil kitai amat berega. (Isa. 43:10; Heb. 6:10) Pia mega, Iya enggau gerah jari meri kitai roh kudus kena ngereja pengawa tu. Nya alai, pinta meh pengaga ari Jehovah, iya nya siti ari buah roh kudus. (Gal. 5:22) Enggau tulung ari Iya, kitai ulih napi pengirau sereta ulih nginjil enggau berani. (SKR. 4:31) Udah nya, enda ngira orang nerima tauka enda pesan ke dibai kitai, kitai deka bisi pengaga ati ba pengawa nginjil.—Esk. 3:3.

Ni bagi asai ati ke deka dikembuan nuan maya nginjil? Baka ni nuan ulih nunjukka pengaga ati?

PEDA VIDEO NGULIHKA BARU PENGAGA ATI ARI BELAJAR SERETA BELEMATIKA BUP KUDUS, LALU SAUT TANYA TU:

  • Nama kebuah kitai patut ngemeratka pengawa belajarka Bup Kudus, taja pan kitai ngena mayuh awak ba pengawa nginjil ninting bulan?

  • Baka ni kitai nunda teladan Maria?

  • Kemaya nuan ngiga awak kena belematika Jaku Petara?

  • Nama ngasuh nuan rindu ngereja pengawa nginjil?