Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  Januari 2017

 PENGIDUP KRISTIAN

Anang Enda Ingat Besampika Bala Menyadi Kristian ke Diperinsa

Anang Enda Ingat Besampika Bala Menyadi Kristian ke Diperinsa

Bup Kudus udah madahka pasal Sitan ke deka merinsaka kitai ngambi ulih nagang pengawa nginjil. (Jhn. 15:20; Pem. 12:17) Baka ni kitai ulih nulung bala menyadi Kristian ke benung diperinsa ba menua bukai? Kitai ulih besampika sida. “Sampi orang ke lurus endang bekuasa sereta bisa.”—Jas. 5:16.

Nama utai ke ulih disampika kitai? Kitai ulih minta Jehovah meri pemerani ngagai bala menyadi Kristian lalu minta Iya nulung sida enda berasai takut. (Isa. 41:10-13) Kitai mega ulih besampika orang ke bekuasa ba perintah enda nagang pengawa nginjil, “ngambika kitai diau likun dalam pemaik.”—1 Tim. 2:1, 2.

Lebuh Paul enggau Peter diperinsa, orang Kristian ba kurun keterubah nyebut nama seduai iya ba sampi. (SKR. 12:5; Rom. 15:30, 31) Taja pan kitai enda nemu nama sida ke diperinsa kemaya hari tu, kati kitai ulih nyebut eklisia, menua, tauka bagi menua sida?

Tuliska endur menua bala menyadi Kristian ke diperinsa ke deka disampika nuan.