Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISITAN

Ngemanahka Agi Pengelandik Kitai ba Pengawa Nginjil—Ngetuka Pemelajar Bup Kudus ke Enda Ngaga Pemansang

Ngemanahka Agi Pengelandik Kitai ba Pengawa Nginjil—Ngetuka Pemelajar Bup Kudus ke Enda Ngaga Pemansang

NAMA KEBUAH BEGUNA: Orang ke ngangauka nama Jehovah deka diselamatka. (Rom. 10:13, 14) Taja pia ukai semua orang ke belajar Bup Kudus deka nitihka jaku lalau ari Jehovah. Kitai ngena awak enggau manah lebuh nulung orang ke sanggup ngaga ubah ngambika ulih ngelantangka ati Jehovah. Enti pemelajar Bup Kudus enda ngaga pemansang pengudah lama belajar, engka manah agi kitai ngetu belajar dulu enggau iya. Kitai ngena peluang tu ngiga orang ke deka belajar. (Jhn. 6:44) Tang enti pemelajar Bup Kudus bisi ngaga ubah dudi hari, kitai gaga ati belajar enggau iya baru.—SKR. 13:48.

CHARA:

  • Puji pemelajar Bup Kudus laban deka nemu pasal pemendar.—1 Tim. 2:4

  • Padahka kebuah nya beguna ngaga ubah sejalai enggau utai ti dipelajar iya.—Luk. 6:46-49

  • Berandauka sempama Jesus pasal penabur benih. Lalu meransang pemelajar nya berundingka utai ti nagang iya ngaga pemansang.—Mat. 13:18-23

  • Padahka enggau manah kebuah nuan ngetu belajar enggau iya

  • Padahka kekadang nuan deka ngabas iya, lalu enti iya bisi ngaga pemansang, seduai ulih sambung belajar baru

PEDA VIDEO, LALU SAUT TANYA TU:

  • Ari randau ba video, baka ni nuan nemu pemelajar nya enda ngaga pemansang?

  • Baka ni penginjil nulung pemelajar iya nemu kebuah patut ngaga ubah?

  • Nama digaga penginjil nya ngambika pemelajar Bup Kudus enda kakang ati deka belajar baru dudi hari?