Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

Keran Nganti enggau Ati ti Liat

Keran Nganti enggau Ati ti Liat

Berapa lama nuan udah nganti penatai Perintah Petara? Kati nuan nganti enggau ati ti liat taja pan nuan bisi penanggul? (Rom. 8:25) Sekeda menyadi Kristian dipegedi, diperinsa, dijil tauka engka deka dibunuh. Ke bukai balat sakit tauka majak tuai.

Baka ni kitai ulih keran nganti taja pan napi penguji? Kitai macha Bup Kudus ninting hari sereta belemati utai ke dibacha kitai. Tu ulih negapka pengarap kitai. Kitai mega betatika pengadang ke diberi Jehovah. (2 Kor. 4:16-18; Heb. 12:2) Kitai besampi sereta minta roh kudus ari Jehovah. (Luk. 11:10, 13; Heb. 5:7) Apai kitai Jehovah deka nulung “natka semua pemerinsa enggau ati ti liat . . . enggau ati ti gaga.”—Kol. 1:11.

PEDA VIDEO KITAI ENDA TAU ENDA “BELANDA ENGGAU ATI TI LIAT”—ANDAL ATI NGULIHKA PRAIS, LALU SAUT TANYA TU:

  • Nama utai ti enda disadang ke tau nyadi? (P-jar. 9:11)

  • Baka ni sampi ulih nulung kitai napi penguji?

  • Taja pan kitai enda ulih ngereja mayuh ke Jehovah baka suba, tang nama kebuah kitai patut berundingka utai ke ulih digaga kitai?

  • Terus berundingka pengadang nuan

    Nama nulung nuan andal, nuan tentu deka ngulihka prais?