Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

Ngemanahka Agi Pengelandik Kitai ba Pengawa Nginjil—Ngena Tanya enggau Manah

Ngemanahka Agi Pengelandik Kitai ba Pengawa Nginjil—Ngena Tanya enggau Manah

NAMA KEBUAH BEGUNA: Enti “runding mensia baka ai ti ba telaga ti dalam,” tanya nya baka beledi kena “ngauk” tauka nemu runding sida. (J-lam. 20:5) Tanya ulih meransang orang bejaku enggau kitai. Saut sida nulung kitai nemu mayuh agi pasal runding sida. Jesus ngena tanya enggau manah. Baka ni kitai ulih neladan iya?

CHARA:

  • Nanyaka buah runding. Jesus nanya beberapa iti tanya kena nemu runding bala murid iya. (Mat. 16:13-16; be 238 ¶3-5) Nama tanya ke ulih dikena nuan ngambika nemu buah runding orang?

  • Meri tanya lalu nyediaka saut ke ulih dipilih sida. Kena ngemetulka runding Peter, Jesus ngena tanya lalu nyediaka sekeda saut ti nulung Peter bulih saut ti betul. (Mat. 17:24-26) Nama tanya ke ulih dikena nuan ngambika ulih nulung orang bulih saut ti betul?

  • Puji orang ke nyaut tanya nuan. Pengudah pengajar Adat “nyaut enggau betul,” Jesus muji iya. (Mrk. 12:34) Baka ni nuan ulih muji orang ke nyaut tanya nuan?

PEDA BEGIAN TI KETERUBAH VIDEO NGEREJA PENGAWA KE DIKEREJA JESUS—NGAJAR, LALU SAUT TANYA TU:

  • Nama kebuah tu ukai chunto ngajar ti manah, taja pan penerang ke diberi nya betul?

  • Nama kebuah kitai enda patut semina meri penerang aja?

PEDA BEGIAN KEDUA VIDEO, LALU SAUT TANYA TU:

  • Baka ni menyadi Kristian lelaki nya ngena tanya enggau manah?

  • Nama chara ngajar ke bukai ti ulih dipelajar kitai ari iya?

Baka ni chara ngajar kitai meransang orang bukai? (Luk. 24:32)