Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

“Bebasaka Apai Indai Nuan”

“Bebasaka Apai Indai Nuan”

Lebuh Jesus ba dunya, iya meri pesan ti berat: “Bebasaka apai enggau indai kita.” (P-sut. 20:12; Mat. 15:4) Jesus ulih meri pesan tu laban iya “ngasika” apai indai iya lebuh iya agi biak. (Luk. 2:51) Sebedau iya diukum mati, iya nentuka indai iya deka dijaga enggau manah.—Jhn. 19:26, 27.

Kemayaharitu, orang Kristian ke biak ngayanka basa ngagai apai indai lebuh sida ngasi sereta bejaku manah enggau apai indai. Iya ke amat, pesan ke ngasuh bebasaka apai indai nadai tatak ba umur. Taja pan apai indai kitai nyau tuai, kitai patut terus bebasaka sida ngambika bulih penguntung ari penemu-dalam sida. (J-lam. 23:22) Kitai mega bebasaka sida enggau nyaga ati sereta utai ke diguna sida. (1 Tim. 5:8) Enda ngira biak tauka tuai, enti kitai bejaku manah enggau apai indai, nya nunjukka kitai bebasaka sida.

PEDA ANIMASI PAPAN PUTIH BAKA NI AKU ULIH BEJAKU ENGGAU APAI INDAI AKU? LALU SAUT TANYA TU:

  • Nama kebuah nuan ngasaika tusah deka bejaku enggau apai indai nuan?

  • Baka ni nuan ulih bebasaka apai indai lebuh nuan bejaku enggau sida?

  • Nama penguntung ti diulih enti nuan bejaku enggau apai indai nuan? (J-lam. 15:22)

    Bejaku enggau apai indai ulih nulung nuan mujur ba pengidup