Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

Nginjil enggau Ngajar—Beguna kena Ngaga Murid

Nginjil enggau Ngajar—Beguna kena Ngaga Murid

Jesus ngasuh bala murid iya bejalai lalu ngaga murid. (Mat. 28:19) Tu nyengkaum nginjil enggau ngajar. Kekadang, kitai patut nanya diri empu, ‘Baka ni aku ulih ngemansangka agi pekara ti beguna tu ba pengawa ngaga murid?’

NGINJIL

Kitai enda nganti orang datai ngagai kitai, tang kitai patut bebendar ngiga “orang ke deka nerima.” (Mat. 10:11) Lebuh kitai nginjil, kati kitai bisi ngiga peluang bejaku enggau sebarang orang ke enggau kitai betemu? (SKR. 17:17) Ketegal pengeransing rasul Paul ba pengawa nginjil, Lydia nyadi murid Jesus.—SKR. 16:13-15.

“Taburka benih nuan lebuh pagi hari enggau lebuh lemai” (P-jar. 11:6)

PEDA VIDEO TERUS NGINJIL “ENDA NGETU-NGETU”ENDA FORMAL ENGGAU ARI RUMAH KE RUMAH, LALU SAUT TANYA TU:

  • Baka ni Samuel nunjukka iya ngiga peluang deka nanam benih pemendar ngagai orang ba pengawa iya ninting hari?

  • Nama kebuah kitai patut betan ba semua bengkah pengawa nginjil?

  • Ba pengawa nuan ninting hari, ngagai sapa nuan deka bekunsika berita manah pasal Perintah Petara?

NGAJAR

Enti deka ngaga murid, kitai ukai semina ninggalka litaricha ngagai orang. Kitai patut ngaga datai ngabas lalu belajar Bup Kudus enggau sida enti deka nulung sida mansang ba pengarap. (1 Kor. 3:6-9) Taja pan kitai udah bebendar nulung sida, nama patut digaga kitai enti sida nadai ngaga pemansang? (Mat. 13:19-22) Kitai patut terus ngiga orang ke ngembuan ati baka “tanah ti ami.”—Mat. 13:23; SKR. 13:48.

‘Aku nanam, Apollos manjah, tang Petara ti ngasuh utai nya tumbuh’ (1 Kor. 3:6)

PEDA VIDEO TERUS NGINJIL “ENDA NGETU-NGETU”ENDUR ORANG MAYUH ENGGAU NGAGA MURID, LALU SAUT TANYA TU:

  • Baka ni Solomon enggau Mary manjah benih pemendar dalam ati Ezekiel enggau Abigail?

  • Nama juluk ati kitai ba semua bengkah pengawa nginjil, nyengkaum nginjil ba endur orang mayuh?

  • Nama pekara ti patut dikemeratka lebuh ngajar orang pasal pemendar?