Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PENGIDUP KRISTIAN

Ngelalu Sida Enggau Manah

Ngelalu Sida Enggau Manah

Ngelaluka sapa? Tiap iku orang ke datai ngagai gempuru Kristian—nyengkaum orang ke baru datai enggau bala pangan lama. (Rom. 15:7; Heb. 13:2) Tu engka bala menyadi Kristian ke datai ari menua bukai tauka menyadi Kristian ke enda aktif keterubah kali datai baru ke gempuru. Gambarka asai ati nuan enti nuan baka sida. Enda ke nuan berasai beterima kasih lebuh orang ngelalu nuan enggau manah? (Mat. 7:12) Nyadi, ulih nuan nguji enggau naka ulih bekelala enggau sida ke datai sebedau enggau pengudah gempuru? Tu ulih meransang pemaik sereta pengerindu ba eklisia lalu meri mulia ngagai Jehovah. (Mat. 5:16) Endang amat, kitai engka enda ulih berandau enggau semua orang ke datai. Taja pia, tiap iku orang deka ngasai disambut enggau manah enti kitai semua ngereja tu. *

Pengawa ngelaluka temuai ukai semina diayanka ba maya Ngingatka Pemati Jesus aja, tang patut diayanka ba sebarang maya. Lebuh orang ke baru datai meda sereta ngasaika pengerindu ke diayanka bala menyadi Kristian, tu ulih meransang sida muji Petara lalu begulai enggau kitai ba sembah ti tuchi.—Jhn. 13:35.

^ per. 3 Prinsip Bup Kudus nagang kitai berandau enggau orang ke udah dibuai ari eklisia tauka orang ke enggai agi nyadi Saksi-Saksi Jehovah enti sida datai ke eklisia.—1 Kor. 5:11; 2 Jhn. 10.