Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  April 2017

 PENGIDUP KRISTIAN

Nuan Ulih Meransang Menyadi Kristian ke Enda Aktif

Nuan Ulih Meransang Menyadi Kristian ke Enda Aktif

Ninting taun, mayuh menyadi Kristian ke enda aktif deka datai Ngingatka Pemati Jesus. Sida berengkah belanda ba lumba nuju ngagai pengidup tang ketegal mayuh macham kebuah, sida tusah deka neruska lumba nya. Sekeda kebuah nya dipadah ba brosur Kembalilah kepada Yehuwa.-ML (Heb. 12:1) Taja pia, sida agi berega ba mata Jehovah, ke udah nebus sida enggau darah anak Iya. (SKR. 20:28; 1 Pet. 1:18, 19) Baka ni kitai ulih nulung sida pulai baru ngagai eklisia?

Tuai gempuru bebendar ngiga sereta nulung menyadi Kristian ke enda aktif baka pengibun bedus ke ngiga bedus ke lenyau ari raban bedus. (Luk. 15:4-7) Tu nunjukka Jehovah amat ibuhka sida. (Jer. 23:3, 4) Semua kitai, ukai semina tuai gempuru, ulih meransang sida. Enggau naka ulih ngayanka pemanah ati sereta pengibuh deka ngerinduka ati Jehovah, lalu kitai deka nerima berekat ti besai. (J-lam. 19:17; SKR. 20:35) Nya alai, berunding sapa ke ulih diperansang nuan lalu anang laun ngereja nya!

PEDA VIDEO MERANSANG MENYADI KRISTIAN KE ENDA AKTIF-ML, LALU SAUT TANYA TU:

  • Nama dikereja Abbey lebuh iya betemu enggau seiku Saksi ke enda dikelala iya?

  • Nama kebuah kitai patut nanya tuai gempuru dulu enti kitai berunding deka nulung menyadi Kristian ke enda aktif?

  • Baka ni Abbey nyediaka diri deka ngabas Laura kali kedua?

  • Baka ni Abbey ngayan pengerindu, ati ti tan, sereta sabar lebuh nguji deka meransang Laura?

  • Nama utai ke dipelajarka kitai ari sempama ke dikena Jesus ba Luke 15:8-10?

  • Nama berekat ke diulih ketegal tulung ke diterima Laura?