Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Pengidup enggau Pengawa Kristian Kitai–Bup Kereja Kena Gempuru  |  April 2016

 NGEMANAHKA AGI CHARA KITAI NGINJIL

Kimpin Nyadung Surat Mai Datai Ngagai Gempuru Besai

Kimpin Nyadung Surat Mai Datai Ngagai Gempuru Besai

Ninting taun, kitai enda sabar nganti ke pemakai rohani ti deka diulih ba gempuru besai pelilih menua. Ngambika orang bukai mega ngasaika pemanah Jehovah, kitai enggau naka ulih mai mayuh orang datai enggau kitai. (Mas. 34:8) Tiap raban tuai gempuru deka nentuka chara pemadu manah ngena surat mai orang datai.

UTAI KE PATUT DIKINGATKA

  • Kemaya gempuru besai aku?

  • Kemaya kimpin berengkah ba gempuru aku?

  • Kemaya gempuru sebedau nginjil diatur ba gempuru aku?

  • Nama juluk ati aku maya kimpin nya?

  • Sapa deka dibai aku?

NAMA DEKA DIPADAH NUAN?

Udah meri tabi, nuan ulih madah:

“Kami benung ngaga siti kimpin serata dunya. Kami deka mai orang ngagai siti pengawa ti beguna bendar. Haribulan, jam, enggau alamat iya bisi dipadah ba surat tu. Kami gaga ati enti nuan datai enggau kami.”

BAKA NI NUAN ULIH MERANSANG MINAT ORANG KE DITEMU NUAN?

Taja pan kitai enggau naka ulih deka mai mayuh orang ngagai gempuru besai, kitai patut beratika peluang kena meransang minat sida ti deka nemu mayuh agi.

Ba ujung minggu, nuan ulih nyadung majalah sama enggau surat kena mai orang datai.