Terus ngagai penerang

Terus ngagai laman kedua

Saksi-Saksi Jehovah

Iban

Nama Kebuah Saksi-Saksi Jehovah Ngiga Orang ke Udah Bisi Pengarap?

Nama Kebuah Saksi-Saksi Jehovah Ngiga Orang ke Udah Bisi Pengarap?

Kami betemu enggau orang ke udah bisi pengarap tang rindu ka berandau pasal Bup Kudus. Endang amat, kami bebasaka orang ti enda sama pengarap enggau kami, kami mega enda mejal orang bukai ningaka berita ke dibai kami.

Maya belajar pasal pengarap, kami nguji nitihka jaku lalau dalam Bup Kudus enggau “tuchum” sereta ngayanka “basa” ngagai orang bukai. (1 Peter 3:15) Kitai sigi udah nemu ukai semua orang nerima berita ke dibai. (Matthew 10:14) Tang, kitai enda nemu baka ni chara sida nerima nyentukka maya kitai berandau enggau sida. Kami mega ulih beratika utai ke nyadi ba seiku-seiku orang tau berubah.

Chunto iya, engka maya nya sida enda ulih bejaku enggau kitai ketegal benung kisuk tang udah nya deka berandau enggau kitai ba maya bukai. Lalu sida engka bisi penanggul ke patut ditapi, lalu sida engka nyau rindu ninga berita ari Bup Kudus. Nya kebuah, kitai patut bebendar bejaku enggau orang bukai ngena mayuh bansa jaku.