Terus ngagai penerang

Terus ngagai laman kedua

Saksi-Saksi Jehovah

Iban

Kati Saksi-Saksi Jehovah Pechayaka Sempekat Lama?

Kati Saksi-Saksi Jehovah Pechayaka Sempekat Lama?

Au. Saksi-Saksi Jehovah pechaya Bup Kudus nya ‘bepun ari Petara’. (2 Timoti 3:16) Nya nyengkaum Sempekat Lama enggau Sempekat baru, baka ke suah disebut. Saksi-Saksi Jehovah ngumbai tu Ayat Hebrew enggau Ayat Gerika. Enggau chara tu, kitai deka nyeliahka runding ke ngumbai ayat Bup Kudus nya enda nitihka jeman kemaya hari tu tauka prinsip iya enda ulih guna agi.

Nama kebuah orang Kristian patut begunaka Sempekat Lama enggau Sempekat Baru?

Entara iya, orang Kristian baka rasul Paul nulis: “utai ti udah ditulis dulu kelia ending ditulis kena ngajar kitai” (Rome 15:4) Pia mega, Ayat Hebrew ngembuan prinsip ti begunaka kitai. Nambahka agi, iya bisi sejarah ke betul enggau ajar ke chukup beguna.

  • Sejarah ke betul. Ayat Hebrew nyengkaum rikut pasal utai ke ditempa enggau baka ni mensia tau bulih dosa. Enti nadai utai tu, kitai engka enda puas ati enggau saut pasal sekeda utai, chunto iya: Ari ni penatai kitai? Nama kebuah mensia mati? (Pemungkal 2:7, 17) Kelimpah ari nya, Ayat Hebrew bisi madahka pasal baka ni Petara bekerejasama enggau mensia enggau penguji sida ke sama enggau kitai.—James 5:17.

  • Ajar ti beguna. Bup Jaku Dalam enggau Pengajar, sekeda ari Ayat Hebrew, ngembuan penemu pasal pengidup. Penemu ti beguna pasal diri sebilik ti lantang. (Jaku Dalam 15:17), bagi magi pengawa enggau teratur (Jaku Dalam 10:4; Pengajar 4:6), lalu baka ni orang biak bulih penemu ti beguna (Pengajar 11:9–12:1).

Pia mega, kitai bulih penguntung ari belajarka ukum Moses ke dirikut ba Turah (bup keterubah ari lima iti bup). Taja pan ukum nya enda ngembuan semaya ngagai orang Kristian, tang iya bisi prinsip ke ulih nulung kitai bulih pengidup ti lantang.—Adat Lewi 19:18; Ulang Adat 6: 5-7.