Terus ngagai penerang

Terus ngagai laman kedua

Saksi-Saksi Jehovah

Iban

Kati Saksi-Saksi Jehovah Ngenyauhka Diri Ari Orang ke Kala Sama Pengarap enggau Sida?

Kati Saksi-Saksi Jehovah Ngenyauhka Diri Ari Orang ke Kala Sama Pengarap enggau Sida?

Sida ke udah dibaptisa nyadi Saksi-Saksi Jehovah tang nadai agi enggau nginjil ngagai orang bukai, nyentukka nadai agi begulai enggau bala sama pengarap, enda dikenyauhka. Iya ke amat, kami ngiga sida lalu nguji ngeringka pengarap sida baru.

Kami enda terus muai orang ke ngereja penyalah ti besai ari gerempung. Taja pia, enti Saksi ke udah dibaptisa nya suah ngulang penyalah ke ngelanggar standard moral ba Bup Kudus lalu enggai nesal ati, iya deka dikenyauhka tauka dibuai ari gerempung. Bup Kudus enggau terang madahka: “Buru orang ke jai nya ari bala kita.”—1 Korint 5:13.

Kati baka enti seiku laki dibuai ari gerempung tang bini enggau anak iya agi nyadi Saksi-Saksi Jehovah? Kaul iya enggau sida sebilik pasal pengarap udah berubah, tang sida agi diri sebilik. Kaul entara melaki bini enggau ba ruang bilik agi baka selama.

Orang ke udah dibuai ari gerempung ulih datai ngagai pengawa rohani kitai. Enti sida deka, sida mega ulih nerima jaku lalau ba pengarap ari bala tuai gempuru. Tuju pengawa tu ngambika nulung orang nya ulih nyadi seiku ari Saksi-Saksi Jehovah baru. Orang ke udah dibuai ari gerempung ke muai ulah ti enda manah sereta ngayanka diri amat-amat keran deka idup nitihka standard Bup Kudus seruran dikelaluka pulai baru nyadi raban ba gempuru.