Terus ngagai penerang

Terus ngagai laman kedua

Saksi-Saksi Jehovah

Iban

Nama Reti Belajarka Bup Kudus?

Nama Reti Belajarka Bup Kudus?

Saksi-Saksi Jehovah nyediaka program belajarka Bup Kudus ke nyaut mayuh tanya, nyengkaum:

  • Sapa Petara?

  • Kati Petara ibuhka aku?

  • Baka ni aku ngemanahka kaul kawin aku?

  • Baka ni aku bulih pengelantang ba pengidup?

Ba baruh tu nuan deka bulih saut ngagai tanya pasal program belajarka Bup Kudus.

Baka ni chara belajar diatur? Kitai belajarka topik ke enda sama baka “Petara” tauka “kawin” lalu meresa ayat Bup Kudus ke enda sama ti bekaul enggau topik tu. Ari mandingka tu, kitai ulih meda nama dipadah Bup Kudus pasal topik tu enggau nama kaul iya.

Kena belajarka Bup Kudus, kitai ngena bup Nama Ajar Bup Kudus ti Bendar? Bup tu enggau terang ngayanka, tiap iti pelajar, nama utai ti bendar dipadah Bup Kudus pasal Petara, Jesus, enggau pasal pengadang kitai.

Berapa ungkus belajar tu? Belajar enggau pechuma, lalu semua litaricha ke dikena mega pechuma.

Ni naka pengelama belajarka Bup Kudus? Mayuh orang minta kitai belajar enggau sida sejam ninting minggu. Tang chara belajar tu enda terit. Kami nitihka maya kita.

Nama penyadi enti aku minta belajarka Bup Kudus? Maya nuan minta diri belajarka Bup Kudus, seiku ari Saksi-Saksi Jehovah deka datai ngabas nuan nitihka maya enggau endur ke cun enggau nuan. Sida deka ngayanka ngagai nuan beberapa minit baka ni pengawa tu dipejalaika. Enti nuan deka, nuan ulih terus belajar.

Enti aku belajarka Bup Kudus, kati aku patut nyadi Saksi-Saksi Jehovah? Enda. Saksi-Saksi Jehovah rindu ngajar orang bukai pasal Bup Kudus, tang kami enda ngansak orang nitihka pengarap kami. Baka ke dipadah dalam Bup Kudus, kami bebasaka tiap iku orang bisi hak milih pasal utai ke dipechayaka sida.—1 Peter 3:15.