Terus ngagai penerang

Kati Saksi-Saksi Jehovah nya Pengarap ti Tesat?

Kati Saksi-Saksi Jehovah nya Pengarap ti Tesat?

Ukai. Tang kami enggau naka ulih neladan sereta nitihka ajar Jesus Kristus.

Nama reti pengarap ti tesat?

Mayuh orang ngembuan runding ke enda sama pasal reti pengarap ti tesat. Aram kitai beratika dua iti runding ke enda sama sereta nama kebuah Saksi-Saksi Jehovah ukai pengarap ti tesat.

  • Sekeda orang ngumbai, pengarap ti tesat nya pengarap Kristian ke baru, ti enda nitihka ajar sereta pengawa ke suah dikereja mayuh orang Kristian kemayaharitu. Saksi-Saksi Jehovah enda ngasilka pengarap ti baru. Tang kami neladan orang Kristian ti bendar kenyau ari abad kesatu, lalu nitihka ajar sida ke udah ditulis dalam Bup Kudus. (2 Timoti 3:16, 17) Kami pechaya, Bup Kudus ngembuan batang ajar pasal pengarap.

  • Sekeda orang ngumbai, pengarap ti tesat nya ulih ngemedis, lalu pengarap nya dipegai mensia. Saksi-Saksi Jehovah enda dipegai mensia. Tang kami bepegai tegut ngagai jaku Jesus ngagai nembiak iya, “kita semina bisi siku aja kepala, iya nya Kristus.”—Matthew 23:10.

Pengarap Saksi-Saksi Jehovah enda ngemedis. Tang kami nitihka ajar Bup Kudus ke ulih meri penguntung ngagai kami empu sereta orang bukai. Ngambika chunto, pengawa nginjil kami udah mutarka mayuh penanggul ke tusah dibuai, baka salah guna dadah tauka kelalu balat ngirup ai bisa. Nambahka nya, ba serata dunya, kami udah nulung beribu iku orang belajar sereta nulis. Kami mega meri bantu ngagai mansa pengerusak alam. Baka ke diasuh Jesus kereja bala nembiak iya, kami bebendar gawa kena nulung orang bukai.—Matthew 5:13-16.