Terus ngagai penerang

Terus ngagai laman kedua

Saksi-Saksi Jehovah

Iban

Beribu Iku Orang Belajar Macha enggau Nulis

Beribu Iku Orang Belajar Macha enggau Nulis

Ba taun 2011, Saksi-Saksi Jehovah udah nulung lebih ari 5,700 iku orang belajar macha enggau nulis.

Ghana:

Sekumbang 25 taun ti udah, kami udah nulung lebih ari 9,000 iku orang macha enggau nulis.

Zambia:

Kenyau ari taun 2002, nyau ka 12,000 iku orang udah landik ba pengawa nulis enggau macha. Ku Agnes, ke beumur 82 taun, “Lebuh kelas belajar nulis enggau macha dipadah ba gempuru, aku gaga ati deka enggau kelas nya. Maya kelas keterubah, aku belajar nulis nama diri empu!

Peru:

Seiku pelajar ke beumur 55 taun nulis: “Aku enda nyangka ulih belajar macha enggau nulis laban apai indai aku nadai kala nganjung aku ngagai sekula.

Mozambique:

Lebih ari 19,000 iku orang udah belajar macha lebuh 15 taun ti udah. Seiku pelajar ke benama Felizarda madah: “Aku gaga ati laban diatu aku ulih ngiga sereta macha ayat Bup Kudus ngagai orang bukai. Suba tu amat tusah ba aku.

Kepulauan Solomon:

Pampang opis kami nulis: “Suba, mayuh orang diau ba endur ti jauh nadai ulih sekula. Tambah mega, semina sekeda anak indu aja bisi dianjung ngagai sekula. Nyadi orang ke besai tuai agi deka bulih penguntung ari kelas belajar nulis enggau macha. Udah kelas nya, mayuh sida andal agi ke diri empu.