Terus ngagai penerang

Terus ngagai laman kedua

Saksi-Saksi Jehovah

Iban

Indu Opis Saksi-Saksi Dipindahka

Indu Opis Saksi-Saksi Dipindahka

Ba Julai 2009, Saksi-Saksi Jehovah udah meli sebidang tanah ke jauh ari utara enggau pemesai 102 hektar (253 ikar), 80 kilometer (50 batu) utara-barat ari Brooklyn, New York ti didirika ba taun 1909. Kira-kira 800 iku Saksi deka diau sereta bekereja ba endur baru baka ba alai opis, ba alai servis enggau ba alai empat iti endur diau. Siti museum deka digaga kena mandangka sejarah Saksi-Saksi Jehovah kemaya ari tu.

Endur ke baru tu begunaka pemesai 18 hektar (45 ikar) ari tanah ke dibeli, ngambika agi bisi endur utan enggau tanah ke enda ibuh didirika nama-nama utai.

Arkitek udah ngaga bengunan tu ke ulih ngurangka tenaga serta enda masau utai ke dikena lalu tu enda ngerusakka alam sekitar sereta ulih ngurangka ungkus. Chunto, atap ke dikena ba bengunan nya deka ditutup ngena utai tumbuh ke kurang dijaga tauka ulih idup kediri empu kena ngurangka pengelenyau ai ujan sereta ngimbang pengangat tauka penyelap angin ba dalam bengunan nya. Opis ke digaga ngemendarka mata panas mancar ngambika meri penampak. Penyimpan ai mega patut dikemeratka.

Nama ke ngasuh indu opis dipindahka? Pampang opis Saksi-Saksi Jehovah ba serata dunya diatu sama enggau ngaga pengawa nyelak Bup Kudus sereta litaricha, ke ngelama tu semina digaga ba Brooklyn. Ba taun 2004, pengawa nyelak enggau pengawa ngangkut ba Amerika Serikat dipindahka ngagai Wallkill, New York, kira-kira 145 kilometer (90 batu) ari utara-barat Brooklyn.

Penyampau ungkus mega patut diperundingka. Kena bejalaika sereta ngaduka opis ba Brooklyn begunaka mayuh belanja. Enggau ngiga endur baru ke ulih dikena ngaga mayuh utai ti diguna, bala Saksi ulih ngena duit pemeri enggau manah agi kena nyukung pengawa ngajar Bup Kudus.

Kelimpah ari pengawa nyelak ba Wallkill, New York, Saksi-Saksi Jehovah bisi palan ngajar ba Patterson, New York. Gerempung tu bisi pampang opis ba mayuh bengkah menua. Ba serata dunya, penyampau Saksi-Saksi bisi lebih ari 7.5 juta.