Belabuh ari Januari 2013, Awake! enggau Menara Jaga deka dikurang ari 32 iti lambar ngagai 16 iti lambar aja.

Ketegal majalah nya kurang agi, tim ke ngalihka bansa jaku deka ngaga nya dalam mayuh agi bansa jaku. Chunto iya, isu Awake! 2012 udah dikalihka ngagai 84 bansa jaku, enggau Menara Jaga Disember 2012 dikalihka ngagai 195 bansa jaku. Tang, belabuh Januari 2013, Awake! deka dikalihka ngagai 98 bansa jaku, lalu Menara Jaga ngagai 204 bansa jaku.

Menara Jaga—Edisi Dikena Belajar, deka terus diprint ngagai 32 iti lambar.

Kurang Agi Lambar Dichelak—Mayuh Agi Lambar Web

Ubah dalam chara kitai print bisi bekaul enggau website www.jw.org ngagai dua iti chara.

  1. Sekeda ari utai ke dalam majalah nya semina dibantaika ba website. Chunto iya, “For Young People” (English), “My Bible Lessons” (English), enggau the Gilead graduation (English) riput ke bisi pansut ba edisi kena belajar dalam Menara Jaga, pia mega enggau “For Family Review” (English) enggau “Young People Ask” (English) ari Awake! diatu deka dipandangka nengah online.

  2. Menara Jaga enggau Awake! deka digaga dalam format elektronik. Mayuh taun, Menara Jaga enggau Awake! digaga dalam PDF bisi dipandangka nengah online ba www.jw.org. Diatu utai tu deka dibacha dalam format HTML, tu ngenyenangka agi sida macha ngena computer tauka talipun binching. Nuan mega senang agi meda litaricha kitai, ke udah bisi ba online dalam 400 iti bansa jaku.