Terus ngagai penerang

Saksi-Saksi Jehovah

Pilih bansa jaku Iban

Polisi Ngelindung Data

Polisi Ngelindung Data

Gerempung Saksi-Saksi Jehovah bebasaka hak privasi tiap iku orang bepelasarka prinsip ke ditetapka ba Bup Kudus. Gerempung nemu, jaku randau ti terang enggau enda dipelalaika sereta semua data personal enggau data personal sensitif kena nyediaka utai ti diguna Saksi-Saksi Jehovah, utai ti diguna ba pengarap, pengawa nulung, sereta utai ti bekaul mengkang diresiaka lalu nentuka semua penerang dilindung enggau manah. (Jaku Dalam 15:22; 25:9) Resia tu amat dikemeratka.—Jaku Dalam 20:19.

Mayuh menua bisi ngaga undang-undang kena ngelindung data ngambika tiap iku orang bisi hak privasi. Gerempung Saksi-Saksi Jehovah lama udah bebasaka hak privasi sereta ngetanka resia, indah sebedau undang-undang ngelindung data digaga. Gerempung Saksi-Saksi Jehovah deka terus ngelindung penerang ke bekaul enggau utai tu ngambika sejalai enggau pengawa ngelama tu. Tu ditulis ba polisi ditu.

Utai ke Dilindung

Polisi tu nyengkaum semua utai ba gerempung Saksi-Saksi Jehovah, baka ke bisi dipadahka ba pampang opis di serata dunya.

Data ke Dilindung

Gerempung Saksi-Saksi Jehovah ngelindung semua data personal ke bekaul enggau prinsip ba baruh tu:

  1. Data personal deka diproses enggau lurus sereta nitihka undang-undang.

  2. Data personal deka digumpul, diproses, sereta diguna semina kena ngenataika tuju pasal pengarap Saksi-Saksi Jehovah enggau pengawa nulung.

  3. Data personal nya betul sereta mengkang diperesa belama. Utai ke bisi salah deka dikemetulka enggau naka pengelengkas pengudah gerempung nemu pasal utai nya.

  4. Data personal semina disimpan seagi-agi iya dikena ba gerempung.

  5. Utai tu deka diperundingka enggau manah kena bebasaka hak subjek data.

  6. Pengawa teknikal ti ngena enggau utai ti udah digaga gerempung deka dipejalaika kena nagang pengawa ti enda dikemendarka tauka salah ba undang-undang ke bekaul enggau data personal. Semua komputer ke ngembuan data personal bisi password, lalu password tu semina ditemu orang ke dikemendarka aja. Opis dikunchi pengudah jam kereja, lalu semina pekereja ke dikemendarka aja ulih tama.

  7. Data personal enda diberi ngagai pampang opis bukai, semadi meh kena bejalaika utai ti bekaul enggau pengarap sereta pengawa nulung ba gerempung Saksi-Saksi Jehovah. Semua Saksi-Saksi Jehovah enggau ati ti deka nyadi sereta ngaku diri Saksi-Saksi Jehovah.

Hak Pasal Subjek Data

  1. Subjek data ke dikena ngelindung data personal enggau data personal sensitif sereta dikena ngemetulka tauka muai data personal enggau data personal sensitif dipejalaika nitihka chara Saksi-Saksi Jehovah ke dipadah ba polisi tu.

  2. Sida ke deka minta utai nitihka begian tu enda tau enda meri penerang ke silik pasal iya empu.

  3. Enti subjek data minta ngemetulka, muai tauka akses data personal tauka data personal sensitif pasal iya empu, gerempung enggau lurus deka berundingka peminta tu ngena chara beratika pemesai guna orang tu minta ngemetulka, muai tauka akses pasal data enggau guna ba pengarap dalam gerempung, nyengkaum sekalika peminta tu ulih ngenusahka hak gerempung ke bibas ba pengarap sereta pengawa ke digaga.

  4. Gerempung deka nyimpan nyentuk ke belama iya data orang ke nyadi Saksi-Saksi Jehovah. Muai data tu enda sejalai enggau pengarap sereta pengawa ba gerempung.

Hak Minta

Enti orang ngumbai hak sida udah dilanggar, iya ulih madahka utai tu ngagai Komiti Pampang Opis ngena surat ke ditulis iya empu. Surat tu enda tau enda dikirum dalam kandang dua minggu pengudah pengawa tu digaga.