Besedia enggau manah sereta besampi. Besampi ngambika nuan enda kelalu irau, tang patut beberat agi ke pesan nuan. Tentuka nuan nemu batang pekara ti deka dikenataika nuan. Lalu kenataika nya ngena jaku nuan empu, ukai macha nitihka utai ke dichelak.

Bejaku ari ati. Perundingka kebuah peninga patut ningaka pesan nya. Kemeratka utai ti diguna sida. Enggau tu, gaya tubuh enggau mua nuan deka ngayanka nuan amat ibuhka sida.

Peda mua orang ke ninga. Peda mua sida enggau chara ti bebasa. Lebuh nuan meri cheramah, perening ngagai seiku-seiku sida ke datai, ukai semina meda enggau ngelansa ngagai semua orang.