Terus ngagai penerang

Terus ngagai Ripih Isi

 PENGIDUP KRISTIAN

Kati Nuan Ulih Meda Kualiti Petara Ari Utai ke Ditempa?

Kati Nuan Ulih Meda Kualiti Petara Ari Utai ke Ditempa?

Lebuh nuan meda pemanah bungai, pemayuh bintang tauka ai wong ti deras, kati nuan bisi berundingka Penempa semua utai tu? Semua utai ke ditempa mandangka kualiti Jehovah ke enda ulih dipeda. (Rom. 1:20) Kitai ulih meda kuasa, pengerindu, penemu-dalam, pengelurus sereta pengerah jari Petara.—Mas. 104:24.

Lebuh kitai belematika utai ke ditempa Petara, tu nulung kitai andal Jehovah ulih nyediaka utai ti diguna kitai belama iya. Kelimpah ari nya, tu ulih ngurangka pengirau kitai sereta nulung kitai berundingka utai ti beguna agi. (Mat. 6:25-32) Tulung meh anak nuan meda kualiti Petara Jehovah ari utai ke ditempa Iya. Enti kitai seruran belematika utai ke ditempa Petara, kitai deka semak agi enggau Iya. Aram meh kitai belematika utai ke digaga Petara ninting hari!—Mas. 8:3, 4.

PEDA VIDEO UTAI KE DIGAGA MANDANGKA MULIA PETARA—PENAMPAK ENGGAU WARNA, LALU SAUT TANYA TU:

  • Nama kebuah kitai ulih meda warna?

  • Nama kebuah warna ulih berubah lebuh kitai meda ari endur ti bebida?

  • Nama kebuah kitai meda warna ti bebida ba langit?

  • Nama warna ke amat tampak dipeda semak rumah nuan?

  • Nama kebuah kitai patut belematika utai ke digaga Petara ba dunya tu?

Nama kualiti Jehovah ke ulih dipeda kitai ari penampak enggau warna?