Terus ngagai penerang

Bisi Orang Nemu Sapa ke Nulis Bup Kudus?

Bisi Orang Nemu Sapa ke Nulis Bup Kudus?

Saut ari Bup Kudus

Mayuh orang madah, kitai enda ulih nentuka sapa ke bendar nulis Bup Kudus. Tang, Bup Kudus enggau terang nunjukka sapa ke nulis batang isi dalam nya. Sekeda ayat dalam Bup Kudus berengkah enggau leka jaku, ‘ku Nehemia’, ‘pesan ke dipandangka ngagai Isaiah’, enggau ‘tu pesan Petara ngagai Joel’.—Nehemiah 1:1; Isaiah 1:1; Joel 1:1.

Mayuh penulis Bup Kudus madahka diri diiri roh kudus Jehovah, Petara ti bendar, lalu diiring Iya. Bala nabi ke nulis Bup Kudus ngena rambai jaku baka, ‘Ku Jehovah bejaku’, tauka ‘nya alai Jehovah bejaku’, lebih ari 300 kali. (Amos 1:3; Mikah 2:3; Nahum 1:12) Sekeda penulis nerima pesan Petara nengah melikat.—Sekariah 1:7, 9.

Bup Kudus ditulis 40 iku lelaki, lalu penulis iya begunaka abis nadai 1,600 taun. Sekeda penulis dikena nulis lebih ari siti bup dalam Bup Kudus. Bup Kudus bisi 66 iti bup mit, lalu dibagika ngagai dua iti begian iya nya, Sempekat Lama ke ngembuan 39 iti bup, lalu Sempekat Baru ngembuan 27 iti bup mit.