Saut ari Bup Kudus

 Bisi sekeda sampi enda didinga Petara. Peratika dua iti kebuah Petara enda pedulika sampi seseiku orang.

1. Sampi ke enda sejalai enggau peneka Petara

 Petara enda ningaka sampi ke enda sejalai enggau peneka Iya, tauka pesan ke udah ditetapka Iya dalam Bup Kudus. (1 John 5:14) Ngambika chunto, Bup Kudus madahka kitai patut nyeliahka diri ari amu. Tang, judi ulih ngemansangka ulah nya. (1 Korint 6:9, 10) Nya kebuah, Petara tentu enda ningaka sampi orang ke minta kena tiket. Petara ukai jin ke ulih meri semua utai ke dipinta nuan. Nuan patut beterima kasihka utai tu. Enti enda, orang bukai pan ulih besampi minta sebarang utai ngagai Petara, nyengkaum ngemediska nuan.—James 4:3.

2. Sampi ke deka ngereja utai jai

 Petara mega enda ningaka sampi orang ke enda ngasika Iya. Chunto, bisi orang ngaku diri nyembah Iya, tang enda ngasika Iya. Petara madah, “Taja pen kita bebendar besampi, tang enggai meh Aku mending, laban jari kita dibalut darah.” (Isaiah 1:15) Tang enti sida nesal ati, lalu bebendar deka nyemakka diri ngagai Petara, Iya deka ningaka sampi sida.—Isaiah 1:18.