Terus ngagai penerang

Saksi-Saksi Jehovah

Pilih bansa jaku Iban

Nama Nyadi Pengudah Orang Mati?

Nama Nyadi Pengudah Orang Mati?

Saut ari Bup Kudus

Bup Kudus madahka: “Orang ke idup nemu diri deka mati, tang orang ke mati nadai nemu utai.” (Pengajar 9:5; Masmur 146:4) Nya alai pengudah kitai mati, kitai enda idup agi. Orang ke udah mati enda ulih berunding, ngereja utai, tauka ngasaika nama-nama utai.

“Ngagai amau meh nuan pulai”

Petara madahka utai ti nyadi pengudah kitai mati lebuh Iya bejaku ngagai mensia ti keterubah Adam. Ketegal Adam enda ngasi, Petara madah ngagai iya: “Nuan endang digaga ari amau, nya alai ngagai amau meh nuan pulai.” (Pemungkal 3:19) Sebedau Petara nempa Adam “ari amau tanah,” Adam nadai ba dunya. (Pemungkal 2:7) Pia mega, pengudah Adam mati, iya pulai baru ngagai amau lalu nadai idup agi.

Sama mega enggau orang ke mati kemaya hari tu. Ku Bup Kudus madah pasal mensia enggau jelu: “Sida sama datai ari nya [amau], lalu sida sama deka pulai ngagai utai nya.”​—Pengajar 3:19, 20.

Pemati ukai pengujung semua utai

Bup Kudus nyemakaka pemati enggau tinduk. (Masmur 13:3; John 11:11-14; Kereja Rasul 7:60) Orang ke jenak tinduk enda sedarka utai ti nyadi ngelingi iya. Pia mega, orang ke mati enda nemu utai. Tang Bup Kudus madahka, Petara ulih ngangkatka orang ke udah mati baka ti ngerak orang ke tinduk lalu meri sida pengidup baru. (Jop 14:13-15) Ba orang ke udah diangkatka Petara idup baru, pemati nya ukai pengujung semua utai.