Terus ngagai penerang

Terus ngagai laman kedua

Saksi-Saksi Jehovah

Iban

Nama Kebuah Mensia Mati?

Nama Kebuah Mensia Mati?

Saut ari Bup Kudus

Enda salah enti kitai nanya kebuah mensia mati, kelebih agi enti orang ti dikesayau kitai mati. Bup Kudus madahka: “Penyengat pemati nya dosa.”1 Korint 15:56.

Nama kebuah semua orang bedosa sereta mati?

Mensia ti keterubah, Adam seduai Hawa, lenyau pengidup ketegal seduai iya bedosa ngelaban Petara. (Pemungkal 3:17-19) Pemati nyadi ketegal pengawa seduai iya ke angkat ngelaban Petara, laban Petara nya “pun pengidup.”Masmur 36:9; Pemungkal 2:17.

Dosa Adam ngelekai ngagai semua peturun iya. Bup Kudus madahka: “Dosa ti datai ngagai dunya nengah orang siku, lalu pemati datai laban dosa, nya alai pemati ngelekai ngagai semua mensia, laban semua bela udah bedosa.” (Rome 5:12) Semua mensia mati laban semua sida bedosa.Rome 3:23.

Chara pemati deka dibuai

Petara besemaya, jemah ila Iya “deka ngerusak pemati belama iya!” (Isaiah 25:8) Kena muai pemati, Iya enda tau enda muai utai ti ngasuh pemati nyadi, iya nya dosa. Petara deka ngereja tu nengah Jesus Kristus, ke “muai dosa dunya!”John 1:29; 1 John 1:7.

 

Belajar Lebih Agi

Nama Utai ti Bendar Diajar Bup Kudus?

Kini Penunga Orang Mati?

Belajarka nama utai ti dipadah Bup Kudus pasal kini penunga orang mati sereta kebuah mensia mati.