Terus ngagai penerang

Kati Judi nya Siti ari Dosa?

Kati Judi nya Siti ari Dosa?

Saut ari Bup Kudus

Taja pan Bup Kudus enda madah enggau silik pasal judi, tang kitai ulih nemu pasal runding Petara ba pekara tu. Iya ngumbai judi nya siti ari dosa.—Epesus 5:17. *

  • Pengamu meransang judi. Tang Petara begedika ulah ti amu. (1 Korint 6:9, 10; Epesus 5:3, 5) Orang ke bejudi bisi runding deka bulih penguntung ari pengerugi orang bukai. Tang Bup Kudus enda rinduka orang ke deka ngambi utai ke diempu orang bukai.—Pemansut 20:17; Rome 7:7; 13:9, 10.

  • Taja pan sekeda judi enda begunaka mayuh duit, tang nya tetap meransang asai ati ti kelalu rinduka duit.—1 Timoti 6:9, 10.

  • Orang ke bejudi kesuah iya pechaya pasal nasit. Tang, ba runding Petara, pengarap ke baka tu bekaul enggau sembah ti enda kudus, lalu tu enda sejalai enggau peneka Iya.—Isaiah 65:11.

  • Bup Kudus ngasuh orang bebendar gawa enti deka bulih sesiti utai. (Pengajar 2:24; Epesus 4:28) Nya kebuah, orang ke nitihka prinsip Bup Kudus deka “ngeringak ngereja pengawa diri”.—2 Tesalonika 3:10, 12.

  • Judi ulih ngemansangka ulah ti kelalu balat deka besemekih, lalu enda bebasaka Bup Kudus.—Galatia 5:26.

^ per. 3 Ba Bup Kudus, pengawa judi semina dikereja bala soldadu Rome ke “bechabut undi”, (tauka bejudi) kena ngulihka baju Jesus.—Matthew 27:35; John 19:23, 24.