Terus ngagai penerang

Terus ngagai laman kedua

Saksi-Saksi Jehovah

Iban

Kati Nya Patut Enggau Siti-Siti Gerempung Pengarap ti Teratur?

Kati Nya Patut Enggau Siti-Siti Gerempung Pengarap ti Teratur?

Saut Bup Kudus

Amat, laban Petara dekaka orang begulai nyembah Iya. Bup Kudus madahka: “Aram kitai berundingka chara kitai tau nyungkak pangan diri ngayanka pengerindu lalu ngereja pengawa ti badas, enda ngelengkaka pengawa begempuru.”​—Hebrew 10:24, 25.

Jesus madahka, bala murid iya deka numbuhka siti raban ti teratur lebuh iya madah ngagai sida: ‘Enti kita rinduka pangan diri, nya baru semua orang deka nemu kita murid aku.’ (John 13:35) Siti chara kena mandangka pengerindu tu iya nya bala murid Kristus patut begulai enggau orang ke sama pengarap. Sida deka diatur nyadi eklisia ke begempuru nyembah Petara enggau tetap. (1 Korint 16:19) Lalu sida deka nyadi menyadi Kristian entarabansa.​—1 Peter 2:​17.

Semina enggau siti-siti gerempung pengarap aja enda chukup

Taja pan Bup Kudus madahka orang patut begempuru nyembah Petara, tang Bup Kudus nadai madahka orang ulih ngelantangka ati Petara enti semina nyadi raban siti-siti gerempung pengarap. Ngambika ulih diterima Petara, jalai pengarap orang nya enda tau enda bisi kaul enggau pengidup iya ninting hari. Ambika chunto, Bup Kudus madahka: ‘Pengarap ti tuchi, ti bendar di mua Petara ti Apai nya: ngintu orang ke patu balu, ke merinsa, sereta ngintu diri tuchi ari penyai dunya.’​—James 1:​27.