Terus ngagai penerang

Saksi-Saksi Jehovah

Pilih bansa jaku Iban

Baka Ni Aku Deka Bulih Peresa ti Manah?

Baka Ni Aku Deka Bulih Peresa ti Manah?

Nama ulih digaga nuan

Berunding enggau manah! Anang majak ngumbai diri enda ulih ngaga pemansang. Lebuh nuan bisi runding ti enda manah, uji tukar nya enggau runding ti manah. Chunto, lebuh bisi orang (engka nadai bukti) nyebut pasal chara Paul bejaku, iya malas: “Aku nyangka nadai udah kala belajar lanchar bejaku, tang aku bisi penemu.” (2 Korint 10:10; 11:6) Paul nemu pengelemi diri empu. Tang iya mega nemu pemanah diri. Baka ni enggau nuan? Nama pemanah nuan? Enti nuan enda nemu, ulih nanya orang ke tuai agi? Bakih ke baka nya ulih meda pemanah nuan sereta meransang nuan ngereja nya enggau manah agi.

Ngangkat berat ulih nyadika buah isi, baka nya mega, ngembuan atur belajar ti manah ulih ngemansangka pengelandik nuan ba sekula.

Selalu deka belajar. Nadai jalai puntan enti deka mujur ba sekula. Enda ngira kemaya, nuan patut belajar. Leka jaku belajar nya ukai utai ti dikerinduka kitai. Tang, belajar nya beguna. Taja pan mimit aja, tang nuan ulih ngasaika nya ngerinduka ati. Ngambika deka belajar, nuan patut ngatur awak. Kingatka—belajar nya patut dikenuluka. Amat, dalam Bup Kudus bisi madahka bisi “maya gaga” enggau “maya betanda”. (Pengajar 3:1, 4; 11:9) Pia mega, baka nembiak ke bukai, nuan engka begunaka pemerindang. Tang ba Pengajar 11:4 nangkan: “Enti nuan nganti hari enggau ribut ti ngena, nuan enda tetanamka utai, lalu nuan nadai utai diketau.” Pelajar iya? Anang betangguh. Nuan enda ulih tetembuka utai ti berat agi. Kesatu belajar dulu, udah nya baru main. Anang irau—nuan tentu bisi awak ngereja dua iti nya!